Versets bibliques populaires de Matayo 7

Partager

“Musabe muzahabwa, mushake muzabona, mukomange muzakingurirwa.

Usabye wese ni we uhabwa, ushatse ni we ubona kandi n'ukomanze ni we ukingurirwa.

“Nuko rero umuntu wese wumva ayo magambo maze kuvuga akayakurikiza, yagereranywa n'umuntu uzi ubwenge wubatse inzu ye ku rutare

“Ibyo mwifuza ko abandi babagirira byose namwe mube ari byo mubagirira, ibyo ni byo bibumbye Amategeko n'ibyanditswe n'abahanuzi.

Naho irembo ry'impatanwa n'inzira ifunganye ni byo bigeza ku bugingo buhoraho, kandi ababinyuramo ni bake.

“Mwinjire mu irembo rifunganye, kuko irembo rigari n'inzira ya gihogera bijyana abantu mu ukurimbuka, kandi abahanyura ni benshi.

None se ko muzi guha abana banyu ibyiza kandi muri babi, So uri mu ijuru we ntazarushaho guha ibyiza ababimusabye?

“Ntimukihe gucira abandi imanza namwe mutazazicirwa, kuko muzacirwa imanza ukurikije uko mwaziciriye abandi. Akebo mubagereramo ni ko namwe muzagererwamo.

Naho umuntu wese wumva ayo magambo maze kuvuga ntayakurikize, yagereranywa n'umuntu w'igicucu wubatse inzu ye ku musenyi

Kuki ushishikazwa n'agatotsi kari mu jisho rya mugenzi wawe, ariko ukirengagiza umugogo uri mu ryawe? Washobora ute kubwira mugenzi wawe uti: ‘Reka ngutokore agatotsi kakuri mu jisho’, kandi nawe ufite umugogo mu ryawe?

“Mwirinde abahanurabinyoma! Baza babasanga bigize nk'intama, ariko imbere muri bo ari impyisi z'ibirura. Muzababwirwa n'imigirire yabo, nk'uko igiti mukibwirwa n'imbuto zacyo. Mbese hari uwasoroma imbuto z'umuzabibu ku mutobotobo cyangwa iz'umutini ku bitovu?

Nuko rero igiti cyiza cyose cyera imbuto nziza, naho igiti kibi kikera imbuto mbi.

Igiti cyiza ntikibasha kwera imbuto mbi, n'igiti kibi ntikibasha kwera imbuto nziza.

Igiti cyose kitera imbuto nziza baragitema bakagitwika.