Versets bibliques populaires de Joni 1

Partager

Ia ko ira kecega sa vakabauti koya, sa solia ko koya vei ira me ra yaco rawa me ra luve ni Kalou, vei ira sa vakabauta na yacana

E NAI vakatekivu sa bula ko koya na Vosa, a rau sa tiko vata kei na Kalou ko koya na Vosa, a sa Kalou ko koya na Vosa.

A sa cilava na butobuto na rarama; ia na butobuto sa sega ni kunea.

A sa yaco me tamata ko koya na Vosa, ka tiko vata kei keda, (ia keitou a raica na nonai ukuuku, ni sa vaka nai ukuuku ni Le dua bauga sa vakasikavi maivei Tamana,) sa sinai e na loloma kei na dina.

Ko koya sa caka kina na ka kecega; a sa sega e dua na ka sa caka, me sega ni cakava ko koya. Sa tu na bula vei koya; ia sa nodra rarama na tamata na bula.

E na sabogibogi sa raici Jisu ko Joni ni sa lako mai vua, a sa kaya, Raica na Lami ni Kalou, o koya sa kauta tani na nodrai valavala ca na kai vuravura.

Sa tiko e vuravura ko koya, a sai koya ka caka kina ko vuravura, ia ka sega ni kilai koya ko ira na kai vuravura. Sa lako mai ko koya ki na nona, ka sega ni vakabauti koya ko ira na kai nona.

Sai koya ga o qo na Rarama dina, sa lako mai ki vuravura ka vakararamataki ira na tamata kecega.

Ia ko Mosese sa soli kina na vunau; ko Jisu Karisito sa yaco kina na loloma kei na dina.