Versets bibliques populaires de Yuanis 16

Partager

Tongaron Ku kiawi' iitu so kou tayon Ku ong koirasa kou nu kosonangan so' mido-ido kou so Aku. Sonsora'on kou nu alod-alod Ku so wonuo tu, nga ikod kou yo kilaa' so' nodoog Ku yo nosiro,” koo si Yisus.

Nga bang kologa' yo Atod nu Kinoringan-o, pointolang Iyo so kou nu onu ya obana. Dai Iyo mutangar nu onu-onu ya kiat so pomikiran Niyo kondiri, nga monuturan Iyo nu onu yo po norongou Niyo kiat so si Amo Ku. Om potarang po Iyo onu ourug ong wagu.

Dai kou po insan mindamo so si Amo Ku nu onu-onu ya maid nu mongorait s'Aku. Indamo kou yo su' taakan kou, om sobana ko osudu'an kou sono,” koo.

Nga ondomo muyu yo nu owarong po ong koian Aku, so' bang dai Aku mian, dai lumoga' nai so kou moonabang oono, ono yo Atod nu Kinoringan. Nga bang koian Aku yo, pologa'on Ku sono Iyo tuui so kou. Bang kologa' Iyo, Iyo yo su potarang so kiawi' lobuw dai po poimaid suat so koraayan, suat so onu ya obana, om suat so pongukuman nu Kinoringan ong wagu.

Soko ono ya pudi kou. Kosiono umagut inawo muyu no, nga kosambat Aku po so kou koimbagu, om iya oono sobana ko osudu'an kou, om ado sono onu-onu kopongaagut so kou. Bang kologa' Aku yo koimbagu, dai kou yo sono mongoduat nu onu-onu s'Aku. Ondomo muyu yo, onu-onu ya indomoon muyu so si Amo Ku, taakan kou ya Niyo.

Ondomo muyu yo nu sumudu'an ong alod-alod Ku, nga ong kou tumangi' monginupusan. Oopod ono, koupusan muyu no ogonti'an-a nu kosudu'an.