Versets bibliques populaires de मत्ती 7

Partager

माँगो ता तुमला दियो जाहेत ढुँढो ता तुमी पाहो। खटखटाओ ता तुमरो लाई उघाड़ो जाहेत

काहे का जो कोनी माँगासे, ओला मिलासे, अना जोन ढुँढासे, वोला भेटा सेत, अना जो खटखटावसे, ओको लाई उघाड़ो जासे।

एकोलाय जो कोनी मोरो गोस्टी ला आयक के मानासे, उ वा अक्कलवर मानूस जसो से, जेना आपरो घर ला गोटा पर बनावासे।

योको लाई जो काही तुमी चाव्हसो की मानूस तुमरो सँग करे, तुमी भी उनको सँग वसोच बरताव करो, काहे का पवीतर गिरंथ अना मोसे को नियम अना भविस्यवक्ता गीन की सिक्सा याच से।

काहेका सकड़ो से उ बेसकुड़ अना कठिन से उ रास्ता जोन, जिंदगी कन पहुचासे। अना जरासा लोक सेत, जोन ओला भेटासेत।

सकड़ो बेसकुड़ लक जाव, काहेका चकरो से उ बेसकुड़ अना सिधो से उ रस्ता जोन नास कन जावासेत। अना लगत सा लोक सेत, जोन ओना रस्ता लक जावासेत।

अता जबा तुमी बुरो होयके, आपरा लेकरा ला साजरी चीज देवासो, ता तुमरो सरग को परमेस्वर बाबुजी आपरो माँगन वालो ला साजरी चीज काहे नही देहे?

दोस नोको लगावो, जेनको लक तुमरो पर भी दोस लगायो जाहेत। काहेकी, जोन रीती लक तुमी दोस लगावासो, ओनोच रीती लक तुम पर भी दोस लगायो जाहेत, अना जोन पायली मा तुमी नापासेव, ओनोच पायली लक तुमला भी नापो जाहेत।

पर जो कोनी मोरी गोस्टी ला आयकसे अना उन पर नही चलासे, उ वोना मानूस को जसो से, जोन आपरो घर रेत पर बनावासेत।

जबा तु आपरो भाऊ को डोरा को तिनका ला चोवासेस, तोला आपरो डोरा को लठ्ठा तोला नही सुजासे? जबा तोरी च डोरा मा लठ्ठा से, ता तु आपरो भाऊ लक कसो कव्ह सकासेस, आन मि तोरो डोरा लक तिनका हेड़ देवासू?

खोटो भविस्यवक्ता गीन लक होसियार रव्हने, जोन साजरा कपरा घाल के मेढा को हुलीया मा तुमरो जवर आवासेत, पर भीतर लक फाड़न वारा बिघा को जसो सेत। उनको फर लक तुमी उन ला चिन्ह लेहो, का लोकगीन झाड़ी लक अंगूर, अना काँटादार झाड़ लक अँजीर तोड़ासेत ?

यो रीती लक साजरो झाड़ साजरो फर आनासे, अना निकम्मो झाड़ निकम्मो फर आनासे।

साजरो झाड़ बुरो फर नही आन सका, अना निकम्मो झाड़ साजरो फर नही आन सका।

जोन-जोन झाड़, साजरो फर नही आनासे, उ कापके स्तो मा डाकयो जाहे।