Versets bibliques populaires de Roca 24

Partager

Neraha taidepe Zerozareza timadimanaccarri. Niza occa Abi Deo uati taporrarissa narrari ouana tiadeniza zosse onaronauitoui. Narrari Deo Corimena tiadeniza torrarizauitoui. Pouapa Deo memeuarri madirraricca dacorehe tibodideniza inanarizanitoui. Nezana otauimari mari tarizemananiuarrine −narrari Zeso.

—Tibodideni uatomanirri. Zama arobeni Carireauarri timadimanapoza tiadeniza pocca uima uati uati nanarra napode.

Nanarra noccodeni ssire-re naza Zeso rrizera nimananirrari. Naraha amazati amossi narrari. Nazapa pouadenira uati tocanirerrari: —Nerrecotoui pouapa rrauiza qqui inarronaraha inocco rriza tapa? Iaza uati uati narronaza Deo Atti dozo nani ia mari tocanabaqquiza ibodi etizepa −quenarrari.

Poua atti naco: —Rrehe, Deo Atti dozo nanizape otauimari. Narraroa arri madirra Idinide Cristo-Mesia quequenanarrari ccarronazapa ocasserani imeni inauananitoui. Madirra inanazoqque-manaza ppa izemanaraha uada 3 naza nauatoniuitoui. Narraro poua tauimari ecomerarize-manezape madirra bodideni cacarriqquimere-manauiuarrine naco uati toquenauitoui. Nazapa madirra pouadeni bodi cacarriqquimere-manaza: “Occa uimasiri onebona” quenazapa Deo poccadeni uimasiri peperri inananitoui. Narraro uima bicanipe madirra bazima mittarizemanauiuarrine Cristo-Mesiapa pocca zozosse tabaqqui mari narizemanauiuarrine zosse inarizabaqquiuitoui. Taidepa Zerozareza mari icanabaqquimanauitoui, zotodepa zama bazimaza maride rraui torrarizauitoui. Narrari Cristo-Mesiapa oua. Otauimari maridepa oua occa madirra zosse onabaqquiuiuarrine −narrari Zeso.

Bacco toquenezape qqui toquenanerre tonoccobiripe touaberre narraro. Siba imenipe parrimaraniuarrina uitterre narraro. Neza rraui torrezimeza qqui toquenaraha Zeso assirepa poza narrararrari.