Versets bibliques populaires de Evvan 16

Partager

Leäm mainstam tän tiʹjjid tõn diõtt, što tij vuäǯǯčid muu rääuhan. Maaiʹlmest tiʹjjid vâjjeet, leša leäkkad smeʹllak: mon leäm vuäittam maaiʹlm.»

Ko tuõđšvuõđ Jiõgg puätt, son jååʹđat tiʹjjid jueʹǩǩ sââʹjest tuõđšvuõʹtte. Son ij maainâst jiijjâs nõmstes, pâi tõn, mâiʹd lij kuullâm. Son särnn tiʹjjid, mõõk leʹžže veâl pueʹtti ääiʹjest šõddâd.

Tän räjja tij jeäʹped leäkku ni mâiʹd raukkâm muu nõõm diõtt. Raukkâd, de tij vuäǯǯveʹted da tij rämmad šâdd tiuddsen.

Mon säärnam tiʹjjid tuõđšvuõđ: tiʹjjid lij pueʹrab, što mon mõõnam meädda. Jõs mon jiõm mõõn, ij Vieʹǩǩteeja puäʹđ årrseed. Ko mon leäm mõõnnâm, vuõlttääm suu tij årra. Vieʹǩǩteeja puätt da čuäʹjat maaiʹlme, mii lij reäʹǩǩ, mäʹhtt piâzzât õhttvuõʹtte Vuâsppooʹdin da što suu suud puätt.

Ååʹn tij peʹcclõõššveʹted, leša mon vuõinnlõõđam veâl tijvuiʹm. Tâʹl tij vääim teudd rämm, koon ij ni ǩii teeʹst vueiʹt väʹldded meädda! Tõn peeiʹv tij jeäʹped teäʹnab kõõjj ni mâiʹd. Tuõđi, tuõđi mon ceälkam tiʹjjid: ko tij äännveʹted Eeʹjj mâiʹd-ne muu nõõm diõtt, son oudd tõn tiʹjjid.

Tuõđi, tuõđi mon ceälkam tiʹjjid: tij vuäǯǯveʹted reäkkad da vaiʹǧǧred, leša peʹccleed mottai rämman.