Versets bibliques populaires de Alukasɨ 17

Partager

Yeso a tíʼ sóŋ wəmbo ngə́, “Lo atɨ́ ngɛn agho ə; abeməntəm azo a tsuʼ agho ə.”

Be a be ngə́ a ghɨ ɨbvu a nye gho nkfu tsi samba atú njwi, nkfu ɨtsum a kɨ́ ngyén a mbó gho ɨ sóŋə́ ngə́, ‹Ma fə,› o tsi nɨ ndɨgɨnɨ ɨbvu ɨyi ɛ.”

Táʼ ŋwɔn nɨ bo a zɛnə ngə́ zɨə shwetɨ, mbə́ mbən nɨ ndzum ɨ sákə́ mbóntə́ a Ŋwi ə. Ngvo ɨ nɔŋ a tɨshe a mɨku Yeso nga a mɨya ɨyi ɛ. A bé ŋwɔn bə Samaria ghe.

Ma lan, nɨ lə atú nɨ ɨdzaŋ ɨnu tsa nɨ ghɨnə ghe! Be mɨma ɨgho a ghɨ ɨbvu, ghamtɨ ayi ɛ, a be ngə́ a kwebtɨ ntəm ɨyi, lɨgɨnɨ ɨbvu ɨyi ɛ.

Yeso a bítɨ́ ayi ngə́, “A lo mbé bən nɨghúm mbáʼ nɨ shwetɨnə; bə bi nɨbvuʼə mé le?

Maʼmbyí a chwɨ́gɨ́ ngə́, “Be abeməntəm azən a faŋtɨ mbe tso ndzaŋ ɨsa, o chi soŋ a mbó təzɨgɨ atɨ ngə́, ‹Dvuŋ atuəmbəm azo abɔʼnɨ mɨngaŋ ngɛn mbi agho a mu sagɨrə wu ngwi ə!› Atɨ za a mɨ zuʼnɨ agho ə.”

Ŋwɔn tsum wa a lɔnɨ ntsuʼ ntsi mbyi ɨzhi, a mɨ kfo; ŋwɔn tsum wa a samnɨ ntsi mbyi ɨzhi a mɨ tsuʼ a zɛrə ghe.

Yeso a sóŋ a mbó bɨyɛʼ ɨbyi ngə́, “Ɨnu tsa tsɨ tíntɨ́nɨ́ ɨbɛn ntságə́ ngə́ á bɨ ngɨ̌ mɨbvu tsi mɨ fuənə ghe, lá a bɨ́gɨ́ be tɨ́sə́n a mbó ŋwɔn wa a ghɨnə ngə́ á tsɨ fuə ghe! A kwɛ be bɔŋ be ngə́ á bɨ lɔgɨ a təkɔʼ bɨ ngɔʼ abán nkorɨ wə ntɔŋ ntɔʼ ɨ maʼ a mu sagɨrə wu ngwi, ntsa ngə́ á tsi ntíntə́ a bə kɨʼnɨ ben á bɨ tsi ngɨ̌ mɨbvu ə.

Tsɛʼ tso mbáʼ a bénɨ́ a nkfu Nua lá, a ghɨ kɨ́ bé tsɛʼ adzaŋ məwa a njwi Mɔn Ŋwɔn ə. A nkfu Nua, ŋwɔn tsum a kə́ ndzɨ́ə nkə́ nǒ, mbáŋnɨ́ bo bɨ bəngye zɔ́ʼkɨnə, ɨ kɔʼ kuʼ njwi za Nua a ghɛ́nɨ́ nkón a mu abáŋ a nkyi za, nkyi dzɔrɨsɨ ɨdiʼ, nkwəŋ abvuʼ aza bɨtsum, njwitə.