Versets bibliques populaires de San Mateo 1

Partager

Pyaadu̶py je̱'e̱ María y'ung; y Jesús myajxu̶u̶'ádu̶ch. Du'un xyu̶u̶'ádu̶ch je̱' ko je̱' je̱'e̱ jya'ay yajpokyñi'iwa'adzaamb.”

“Ungjomu̶'u̶gu̶p je̱'e̱ to'oxy'ana'k mu̶dyiibu̶ ka'p ya'aydyu̶jk mu̶dtzu̶na'ayñu̶ju̶ñ, y yajma'axung'ádu̶py je̱'e̱ y'ung tu'ug, y Emmanuel myajxu̶u̶'ajtku̶xu̶ch” (mu̶dyiibu̶ du'un ayuuk wimbu̶dzu̶u̶mbu̶ñ: “Dios mu̶u̶d u̶u̶ch ajtu̶m ajku̶xy”).

Du'un najty tyajy myay tuna'añ du'un, ko je̱'e̱ Windzú̶n Dios y'ángel tu'ug ñayyajni'igu̶xu̶'ku̶ kuma'ayjyooty y ñu̶maayu̶: “José, David y'ok'ung y'ok'ana'k, ka'p mdajy mmay y ka'p mdzu̶gu̶'u̶y; mwinduumbú̶gu̶ch je̱'e̱ María neby je̱'e̱ mdo'oxyu̶jku̶ñ, je̱' ko je̱'e̱ ma'axúng mu̶dyiibu̶ pyade̱e̱mbyu̶ñ je̱'e̱ Espíritu Santo kyu̶xpu̶ je̱'.

Du'un tyuunu̶ jyajtu̶ neby je̱'e̱ Jesucristo mya'axung'ajtyu̶ñ: María, je̱'e̱ Jesús tyaj, tu̶ najty je̱'e̱ kapxy'ajtku̶xy mu̶u̶d je̱'e̱ José ko pyu̶gaangu̶xy, peru̶ ka'anu̶ najty ñaybyudu̶gu̶u̶yu̶gu̶xy ko je̱'e̱ María y'ungjomu̶'ky mu̶u̶d je̱'e̱ Espíritu Santo myu̶k'ajtu̶ñ. José, je̱'e̱ María ñiya'aydyu̶jk; tu'uda'agyjya'ay je̱'e̱ najty y ka'p najty je̱'e̱ María mayjya'ayjyooty xu̶'u̶wa'añ, chi wyinma'añbyaaty u̶xmadza'añ ayu'uch amechu̶ ka'p pu̶n yajnejwu̶'u̶wa'añ.