Versets bibliques populaires de मत्ती 7

Partager

“माँग ते तोरासिके देल जैतौ, खोज ते तोरासिके मिल्तौ, ढक्ढका ते तोरसिके लिए उघार्ल जैतौ।

कहिनेकी जे माँग्तै, ऊ पैतै, जे खोज्तै, ओकरा मिल्तै, जे ढक्ढकैतै, ओकर लिए केबाड खोल्ल जैतै।

“सेल्याके, जे आदमी हमर यी शिक्षा सुनिके ओकर पालन करैछै, हमे ओकरा एकटा बुद्धिमान आदमीसे तुलना करैछियै, जे आदमी आपन घरके जग पत्थलवाला जमिनमे बनैल्कै छे।

आदमीसब तोरसिसे जेरं व्यवहार करौ कहिके तुहेंसब चाहैछैं, तहुँसब ओकरसिके संगे ओहिने व्यवहार कर। कहिनेकी इहे मूसाके विधि-विधान आर परमेश्वरके वक्तासिके लिख्ल बातके मतलब छै।”

छोटका केबाड आर साँक्ड रस्ता कठिन हैछै, मगर इहे कहियो खतम नैहुएवाला जीवनमे पुगाबैछै। यी रस्ताके पाबेवाला आदमीसब कमे हैछै।”

“तुहें खाली साँक्ड केबाड द्याके ही परमेश्वरके राज्यमे ढुके सक्भैं, कहिनेकी विनाशमे लजाबेवाला केबाड फैल आर रस्ता आसान हैछै, आर यी द्याके चलेवाला आदमीसब बहुते हैछै।

यदि तुहेंसब दुष्ट भ्याके भी आपन बेटाबेटीसिके बढियाँ चीज दिए जानैछैं ते, निश्चय ही स्वर्गमे भेल तोरसिके परमेश्वर पिता ओकरसे माँगेवालासिके आरहौ बेसी बढियाँ चीज देतै।

येशू आरहौ कहले गेलै, “दोसरके दोष नैलगा, आर परमेश्वर भी तोरासिके दोष नैलगैतौ। कहिनेकी जेरंके तुहेंसब दोसरके दोष लगैभैं, ओहिने करिके परमेश्वर भी तोरासिके दोष लगैतौ। परमेश्वर तोरसंगे ठीक ओहिने व्यवहार कर्तौ जेरंको तुहेंसब दोसरसंगे करैछैं।

जे आदमी यी हमर शिक्षा सुनिके भी पालन नैकरैछै, हमे ओकरा एकटा मूर्ख आदमीसे तुलना करैछियै, जे आपन घरके जग बालुवाला जमिनमे बनैल्कै छे।

तुहें एकटा छोटका पापके लिए आपन विश्वासी भ्या-बहिनके कथिले दोष लगाबैछैं जे ओकर आँखीमे कुछु गन्दाके जुगुर छै, जब कि तोर आपने जीवनमे बडका पाप छौ जे तोर आँखीमे एकटा ढेंगके जुगुर छौ? जब तोर आपने भितरमे बहुते बडका पाप छौ ते तोरा आपनसे छोटका पाप करेवाला कोनो आदमीके सहायता करैके कोशिश नैकरना चाही!

“झुट्ठा परमेश्वरके वक्तासिसे होशियार र जे तोरसिकेलगत नोक्सानी नैकरेवाला भेंडाके भेष बदलीके आबैछै, मगर वास्तवमे हानीकारक डरलग्गा खटिहासब छै, जे आदमीसिके हमला करैछै। तुहेंसब ओकरासिके ओकरसिके काम करैके तरिकासे चिन्भैं। काँटके गाछमे अंगुर नैफरैछै आर कटैय्या लत्तीके गाछमे अन्जीर फल नैफरैछै।

ओहिने करिके सभे बढियाँ गाछ बढियाँ फल फराबैछै। मगर खराब गाछ खराब फल फराबैछै।

बढियाँ गाछ खराब फल फराबे नैसकैछै, नैते खराब गाछ बढियाँ फल फराबे सकैछै।

बढियाँ फल नैफराबेवाला सभे गाछ काटिके गिरैल जैछै आर आगिनमे फेक्ल जैछै। झुट्ठा परमेश्वरके वक्तासिके भी अहिने करिके सजाय देल जैतै।