Versets bibliques populaires de Luke 9

Partager

Sése àmane yambele, nàlɛle baate botchi ndé: «Mutu atɔnde kémbe nɛme, apatamene maambe ma mu niute a ndɛ. Tsuge yotchi abade wuwakoge mu mɔne mimbɔnde. Tsɔvane akakémbe nɛme.»

Mutu wuwatɔnde fuade moyi mu bungudi buɛndi ndɛ muɛne, návide moyi a ndɛ. Tɔ mutu wuwavide moyi a ndɛ mu mɛ, náfuade moyi wa mubunamubu.

Sése nàkale ndɛ ndé: «Mutu ti atɔnde kémbe nɛme, mane akabagabese mutéme mbise mu maambe ma bulɔnge bunebu, ndɛ salidi wuwakoge mu yɛnde gu tɔse Tsaange Buyumune bua Nzɛmbi vɛ.»

Mutu abage buchine bua bulɔnge bunebu, mane akavide moyi a ndɛ, tsɔnge kana abage?

Ti mutu amɔne tsoni a mɛ Wuwàbɔnge ndjime a baate, na ya mabige mɛme, va mɛ káyáde gutsɔ buyumune buɛme na bua Taate a mɛ na bua batome bɛndi ba buyimbe ba gu yulu, mɛ nɛme mɛ nimɔne tsoni a ndɛ.

Sése nàkale ndɛ ndé: «Bakumbi na miléke. Baniodi na manzɔ ma bɔ balase gutsɔ mɔ. Tɔ mɛ Wuwàbɔnge ndjime a baate mɛ salidi na nzɔ ya lase vɛ.»

nàlɛle bɔ ndé: «Mutu wuwachinge muane a ngɛbe wunewu mu ndoge a mɛ, ndɛ mɛ achingi. Namoni a mutu wuwachinge mɛ, amachinge Taate a mɛ wuwàtchindege mɛ. Tɔ mutu wuwakolene va pfuɛchi a béne, ndɛ ni wulidi ivonde.»