Versets bibliques populaires de Johnga 10

Partager

Wamanukera wamanu wagiu hajirena egi wankshigd’ehi egi maisinsh‐wahi. Nehajina e wankshig‐inekjege, egi e hiraijera roha wankshighoi harninekjege.

Jhasga hirakara phira Newinena. Jhasga hirakara phira jhasgara e wagit’ena.

Jhasga warnira hora naixguineshununa, egi ne‐waiaperes‐shana egi hiroinag‐hireshununa.

Egi wankshighoi hisgeja wawak’una, egi inkaga d’airanikjanena, egi inke hisha nab‐harninegi higirushoroj hiranikjanena.

Newinena jhirobra, Ne‐egi hisha hokewegishi wankshig‐inkjanena, egi hokewegi egi wokana hiekjanena.

Jhasga hirakara phira Newinena, egi jhasga warnira hiaperessana, egi hinkaraperes‐nankshana newarnira.

Jajiga E woik’una, jarnagagre eshana xetena, egi inke hisha rushoroj ruxurugnina Jajiga nab‐harnieja. Ne‐winianaga egi Jajiga hishankira harniwina.

Hianjihiwira hinperes‐nagra she‐e hikisge, Hianjihiwira nishge hiaperes‐hajena, egi jhasgara e wagit’ena.

Inkisha wankshighoira hingirusnikjanena, eshi wankshighoi harnira eegi nexji hakarat’umbshana. Homashja harnira wankshighoira eegi hakarat’umbshana egi homashja harnira shige wankshighoira hakuruskjanena. Uwashi de‐e Jajiga eja hodussana.

Egi shige Jesus wawagena: Hisgexjina, hisgexjina hinigawina, jhasga jhirobra Newinena.

Eshi e hisha warajegi egi inke jhasga hirakaraisha herenina, jhasgara inke e‐warninijege, shungjangra hisha huhau hajagi, jhasgara wat’unanana egi giasnana, egi shungjangra jhasgara warukosnana egi jhasgara hoeranana.

Hisgexjina, hisgexjina hinigawina, hisha inke jhasga‐hojhi jhirobeja hokawarnigi, eshi hijahi nige hoti‐hokewegi, e wamanukeisha egi wankshig‐d’ehikeisha herenana.