Versets bibliques populaires de Hogusra 17

Partager

Egi jaja Abram ma kerepana‐hishankijushguni‐anaga egi hishankijushguni‐hashanahangi, Jehowa Abram jantingikhina egi wagena: Ne Mau inke washa rushagnira winena, Hishja joweharegi manige egi inke washara hisha hirohiranine.

Egi rash hashinira inke shige Abram hinigai‐ranikjanena eshi Abraham hinigairekjanena, wankshig howajehira rohaxji hianjni niunge esge.

Egi rohira hikisge wakhi harnira hojakena hihiregi hakara‐kerekjanena, egi su washinira hag howarehire hokijhu harnineja, manegus rohira hikisge wakhi hisha herena. Mau hashinikjanena egi su washinira hag howarehire.

Horuxujre de‐eshi niarnira, rohira hikisge wakhi harnira harakishu shunajena, egi wankshig howajehira rohaxji hianj‐hire niunkjanena.

Egi Maura wena: Hijawinaga Sarah hisgexji hojinjinig hisha harnigarnikjanena egi rash sharagi Isaak hiragekjena egi rohira hikisge wakhi harnira hakishuunje hakjanena, manegus rohira hikisge wakhi hisha herena egi e su warnira hag howarehiga.

Egi hornik’unkjanena egi su washinira hag howarehire ma wakuruxe hosh’urajane Kana‐an mara harnaj manegus harninekjanena, egi Mau ne‐hininekjanena.

Egi Abraham hishjara mainja herehi jimpshana, egi hiksharna, egi najge earnieja wakigena: Ninkjangnigra hisha hagarni‐hiranashe ma hogihishangi egi Sarah ma kerepana‐hishankijushguni‐hangaja ninkjang harnikjaneshe?

Egi Maura Abraham wagena: Hijawinaga Sarai inke hinupahana Sarai higarnianje, eshi Sarah rashra higairekjanena.

Egi rei‐xu washiniwira wamanajhekjawina egi rohira hikisge wakhira e woijantira herekjanena hojakena hihiregi.

Eshi rohira hikisge wakhi harnira Isaak hakishu unjehakjanena e Sarah harnigarnikjanera deshejanagi ma joweregi.

Egi ninkjangnigra hamb haruanga‐hangi wamajhairekjena horog‐rawiejananka hokijhu hashinieja wangnanka harnaj hisha jhieja wankshig‐ingi, shige hijahi herera hisha shura hiruwinegi e inke su hashiuira herenishge. Hisha jhi hashinieja wankshig‐ingi egi hisha shura hashinira hiruwinegi wamajhairegi phinana. Egi rohira hikisge wakhi harnira ro hashinieja nihekjanena, manegus rohira hikisge wakhisha herena.