Versets bibliques populaires de maṯa 7

Partager

ɽoṯeḏɩl nalajiḏəḏə; bunyil nyalabuje; piḏɩl naləjiḏɩjo

ŋi gwune gwun gwaṯɩɽoṯeḏe gwaɽe, na gwun gwaṯɩbunyi ŋwulbuje, na gwun gwaṯɩpi gɩburə gwaliḏɩjo.

na ŋiro dino gwun gwatɩḏiŋɩni ŋuɽuna ŋeno ŋinyi, ŋularre, gwaro gi gwiji gwun gwəṯi ŋadɩgɩɽenya gwun gwuṯo duno gwuŋun gi loɽi elo.

na ŋiro dino ŋuɽun wei ŋun ŋɩbunyalo ŋaŋal liji ərrɩjo lagalo, dujɩlo nyaŋa dino; gi gwune ŋeno ŋiro ŋuɽun ŋun ŋigelijɩlo elo musaŋ na nebɩŋa.

namɩni ouwɩr yun yɩmə ganu na ṯaṯ ḏun ḏɩmə ganu ḏun ḏaṯele gi ḏɩmiḏa, na luŋa louwɩrio lun labuje.

əḏɩl kouwɩr yun yɩmə ganu, gi gwune ouwɩr yiwɩra ganu na ṯat ḏiwɩra ganu ḏun ḏaṯele gi ḏaiya, na luŋa luti lun ləḏi kouwir yono

na dino nyaŋa lun lɩki na ḏa nyalmalɩŋe nyaləḏəḏə nyaɽe nyalo ŋɩdio ŋun ŋiŋir, namɩni ŋiro ŋaḏa ŋutəno baba gwalo gwe kanyin lulḏəḏə lun lɩɽoṯeḏo lugwun ŋidio ŋiŋir?

lo laṯanyalakɩmi kani ate aṯajilakɩmi no; na ŋiro gi gwune aṯanyakɩmide na nyalakɩmi dino, na əlmɩḏ yun yaṯanyayuni ŋɩdio yaje yajilwəɽəṯijo.

na gwun gwatɩḏiŋɩni ŋuɽuna ŋeno ŋinyi nate nunɩmɩni arre no, gwaro gi gɩɽilo, gwun gwuṯo duno gwuŋun kəmuɽ elo

gwudaro gəko aṯaŋalade kacɩder gun gijo kei geḏi magalo, namɩni ḏuɽi dun dijo kei ŋuŋa nate naŋaŋu no? namɩni gələkwe ŋəṯi ŋɩma ŋeico magalo no, ouwɩrɩcinyi ŋaŋawala ŋacɩdera kei ŋuŋa? eʼe na ḏuɽi do kei ŋuŋa.

jil muma di nebəŋa lun liro lɩwɩɽɩgal lun lɩwidi lagalo lɩkanu jiria jeḏi joŋol namɩni gi dugwor ganu nalro jamɽainy jun jiṯɩlo lun liṯɩlo jaŋu. nyalilɩŋiḏi nyaɽe nye nyagin. liji laṯɩwone nyaɽe gi ŋwuɽuṯ gi jugi a? i ŋwuwɩḏa gi ŋiɽebeny a?

na ŋiro dino gwaɽe wei gwun gwiŋir gwaṯɩɽe nyaɽe nyun nyiŋɩr, namɩni gwaɽe gwun gwɩki gwaṯɩɽe nyaɽe nyun nŋɩki.

gwaɽe gwun gwiŋir gwate gwəṯi ŋɩma gwaṯɩɽe nyaɽe nyun nŋɩki no, na dino gwaɽe gwun gwɩki gwate gwəṯi ŋɩma gwaṯɩɽe nyaɽe nyun nyiŋir no.

na jaɽe wei jun jate jaṯɩɽe nyaɽe nyiŋir no, gwouɽəne ga na gwagelini kigo.