Versets bibliques populaires de Mark 12

Partager

Sitse Jisu rei sie, “Kerietho-u sü, ‘Harie Israel, rünyüliecie. Niepuu úko Kepenuopfü, Niepuue puo rübei zo; no n melou pete se, n kerheiro pete se, n nou pete se, mu n kekuo pete se Niepuu n Kepenuopfü khrietuo.’ Kenieu ro, ‘No n siezanuomia khriepie n thuo n kekhrie mhietuo.’ Diekhakeshü kekrei puorei hanie ki kezha jü.”

Sitse puo puoe pethakelieko kielie di uko ki, “A nieko ki pu toushütuo, mhakejü sami hapfüe mha khapie rakabou nu shü ketha kekreiko pete ki rei khashü kekrathowe. Kekreilamonyü mia we u ketshukelhuo chü keba nunu khashü hu, derei puo we mhakejü donu rei puo kinyi se lhou keba pete khashüwate.”

Süsie puoe rakabouu kepetsou touki ba di mia krodi rakabouu nu mha khakeshü meho ba. Siro mhakenyimia kekra raka kha phishü ba. Süki sami mhakejümiapfü puo rei vor di dapra kenie, puoca priesa puo mese kelhoushü.

mu ‘U melou pete siro u kesikele pete tsiu u kekuo pete se puo khrie morosuo,’ ikecü, siro ‘u siezanuomia khriepie u thuo u kekhrie mhietuo ükecüe,’ kethe ruosuoko mu ruothoruoriko pete ki rei meyiekuo zo,” sishü.

Süla Jisu sie uko ki, “Kaisar vieko pie Kaisar tsüwalie mu Ukepenuopfü vieko pie Ukepenuopfü tsüwalie.” Sitse uko puo la uko ngo phita.