Versets bibliques populaires de Hwègbèèlì 2

Partager

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwàlòkèlì hwà mà ika mèèmà me awu ò lì òkòwa hweyà ema i àpɔ̀rzìtòlò i ma hwɛ lì hwa òkòlɛ, ndèŋgànɛ̀lɛ̀ hwà mà hwɛ mòndeŋgè na hwatò ema hwa lòkɛ̀ Krirztò. Mɔ̀ na wɔ̀ hwà mà hwɛ lì kànɛ, na lì lalɛnɛ̀ èki yɔ̀kɔ.

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

O lìwòkimɛnɛ mɔ̀tɔ̀wù mò ma uwɛ̀lɛ̀lɛ̀yi ò ŋmanyu ya lohwà. È ma hwɛ ndi nàa mbɛ̀hvɛ̀nì ndɛnɛ ema e ma hwɛ lì aka. Rzìi mò ònda e ndawò ya arzɛ ema hwà mà hwɛ. Aŋga ndi wɔ̀ hwà mà ɛnɛ hwema nàa mùnya ema mò ma ayèkɛnɛ̀ mekakò me tɛmi ò mèyòhvò me tɔ̀ ima mòtò. Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ. Hwa mà hwɛ lì eka Lohwɛ̀ nà ò lì òka là mɔ̀nyɛ̀ŋgì mò hwèhwɛ̀ɛlì hwe gbamù hwe hwatò hwa arzɛ. Ndèŋgana wùnyà tɛ Rzàŋgò à mà hwatɛ ò mòndèŋge mò awu hwaŋga ema hwa mà hwɛ lì rzùŋgàhwà.

Lohwɛ̀ à mà òhwa nanù ema, ‘O mèenyà me lìrzukù, imba na òma Èlìŋgɛ̀ ya ami ya Wòtani ndèŋgànɛ̀lɛ̀ e jèeya tɔ̀ ima mòtò. Hwaana hwa anyu hwa wunyanà na e wɔ̀ hwa hwalana, hwa ò òhwa hweyà ema hwe ò gbèyɛ̀nɛ ò e hvònda ema e ò jɛ̀ɛ̀. Imberza ja anyu jò ò ɛnɛ jɛ̀nɛ̀nì ema jò uwɛ̀lɛ̀lɛ̀yi ò mba ami, hwàmbaki hwa anyu hvɛ hwa ò ɔ̀tɔ̀ indɔ̀tɔ̀.

Hwàlòkèlì hwa arzɛ hwà mà hwɛ lì arzàŋganɛ ekì yɔ̀kɔ na ò lì akahwanɛ tɔ̀ mamɛ ema hwà mà òhve. Hwa mà àhwirzɛ̀ hwerzàŋgò hwe awu, rzìi hwa kahwa lì hvòmɛ̀nɛ̀ hweyàrzèlì hwe tɔ̀ ima mòtò.

O eŋge hvònda tɔ̀ njɛ̀nɛ̀ ema a hwɛlɛyi Rzàŋgò nanù ema a mò òŋgòwane, a ò rzùŋgàhwa.’”

Igbèyi jò ò timba jìtìtì, ŋmɛ̀ɛlì hvɛ mò ayeŋgòwɛ̀ teeyi nàa màyija. Hwene hweyà hwe arzɛ hwe ò gbèyɛ̀nɛ ndèŋgànà hwejèelì hwe Wùnyà wò ndɛnɛ na èluhwe ya ama Rzàŋgò hwe ò jɛ̀ɛ̀.