Versets bibliques populaires de ZAN 4

Partager

Ala ye Nii le ye, mɔgɔ minw b'a bato, u ka kan k'a bato n'u dusu bɛɛ ye tilenninya la.”

Ayiwa, loon bɛna se, a yɛrɛ sera ka ban. Alabatobagasɛbɛw bɛna na Faa Ala bato u dusu la ni tilenninya ye. Bari Faa b'o mɔgɔw nyɔgɔn le fɛ.

Nga jii min bɛ ne fɛ, ni ne y'o di mɔgɔ min ma k'a min, minnɔgɔ tɛna o tigi minɛ tugu fewu. Ne bɛna jii min d'o tigi ma, o bɛna kɛ jii woyota ye min bɛ woyo a kɔnɔ tuma bɛɛ, o min bɛ sini hɛrɛ di.”

Yezu y'a jaabi ko: “Ala bɛ min di mɔgɔ ma, n'i tun bɛ o lɔn, ani mɔgɔ min ko i k'ale sɔn jii la, n'i tun b'o fana lɔn, e yɛrɛ le tun bɛna kɔn k'ale dali. A tun bɛna jii d'i ma o min bɛna hɛrɛ banbali d'i ma.”

O la, Yezu y'a fɔ u ye ko: “Ka n cibaga sago kɛ, o le ye n ka dumuni ye. Ne ka kan k'a ka baara kɛ fɔɔ ka se a daan na.

Muso y'a jaabi ko: “Juru t'i bolo, kɔlɔn fana ka dun. I bɛna o jinyuman nin bɔ min?

Muso ko: “Ne y'a lɔn ko Ala ka Mɔgɔ wolomanin ka kan ka na, min bɛ wele ko Krista. N'ale nana, a bɛna koo bɛɛ fɔ an ye.” Yezu y'a jaabi ko: “Ale le bɛ kumana n'i ye ten.”

“Ee! Aw ye bɔ ka na cɛɛ dɔ filɛ! N ye koo minw bɛɛ kɛ n sii la, a y'a bɛɛ fɔ n ye. N'a sɔrɔ Ala ka Mɔgɔ wolomanin nin lo!”