Versets bibliques populaires de मत्ती 3

Partager

अपणे कम्मां कने साबित करो कि तुसा अपणे पाप्पां का तौबा करी लित्ते री है ते दोबारा पाप्पां बिच मत पैंदे।

अते दिख्खो, स्वर्ग बिच का ए अवाज आई कि ए मेरा प्यारा पुत्तर है, “जिस का मैं बड़ा-वरी खुस है।”

ते यीशु बपतिस्मा लेई करी तिस्सी बेल्ले पाणी का बाहर आई गे, ते दिख्खो, तिन्हा तांइ स्वर्ग खुल्ली गेया, अते तिन्हा ने पवित्रात्मा जो इक्क कबूतर सांई उतरदे अते अपणे उपराल्ले आंदे दिख्खेया।

“मैं ता पाणी कने तुसा जो पाप्पां का तौबा करणे रा बपतिस्मा दिंदा, पर जे मेरे का बाद आणे वाला है, से मेरे का जादा ताकतवर है ते मैं तिन्हेरी चप्पल चुकणे जोग्गा भी नी है, तिन्हा ने तुसा जो अप्पु पवित्रात्मा ते आग्ग कने बपतिस्मा दैणा।

अवे परमेश्वर रे हिसाब-किताब रा झोंटू बूट्टे री जड़ पर रख्खे रा है, ताकि तिस मणू जो कट्टी दे जे जिस बूट्टे सांई हिन जिन्हा पर खरा फल्ल नी लगदा, से बूट्टा जड़ का बड्डी दित्तेया जाणा ते फुक्की दित्ता जाणा।

यूहन्ना बपतिस्मा दैणे वाला से ही मणू जिसेरे बारे अन्दर यशायाह भविष्यद्वक्ता ने पवित्रशास्त्र बिच बोल्लेया थिया, “बियाबान अन्दर कुसकी री अवाज आया करदी है, प्रभु रा रस्ता तैयार करो, तिन्हेरी सड़कां सीद्दी करो।”