Versets bibliques populaires de लूका 17

Partager

तेथा न बाद यीशुऐ तेई मांहणु बै बोलू, “खड़ा उठ; होर ज़ा किबैकि तैं परमेश्वरा पैंधै बशाह केरू तैबै तू ठीक हुआ।”

अगर तेरा भाई सौत बार तेरै खिलाफ़ पाप केरा सा होर सौत बार एज़िया माफी मुँगा सा ता तू तेइबै माफ केर।”

तिन्हां मौंझ़ै ज़ैबै एकियै हेरू कि हांऊँ ठीक हुआ ता सौ परमेश्वरै री जय-जयकार केरदैआ यीशु हागै वापस आऊ। सौ एज़िया यीशु री ज़ोंघा पैंधै पौड़िया यीशु रा धन्यवाद केरदा लागा; होर सौ सामरी ती।

होशियार रौहा; “अगर तेरा कोई भाई अपराध केरा सा ता तेइबै डांटा, होर अगर सौ पापा बै मना सा ता तू तेइबै माफ केर।

तेई हेरिया यीशुऐ बोलू, “कि मैं दसै रै दस कोढ़ी ठीक नी केरै तैबै होरा ते नोऊ कौखै नौठै।”

यीशुऐ तिन्हां बै बोलू, “राई रा बेज़ा बोहू होछ़ा होआ सा, पर ऐई ज़ैगा न ते बड़ै बूटै सांही होआ सी। ऐण्ढी तैरहा, अगर तुसै परमेश्वरा न ज़ो बशाह सैंघै ज़ो किछ़ भी मूँगलै तेइबै सौ केरी सका सा ज़ैण्ढा कि अगर तुसै शहतूतै रै बूटै बै बोलदै कि तू ज़लाड़ै सैंघै उखड़िया समुन्द्रा बै ज़ा, ता तेई तुसरी शुणनी ती।

ज़ुण आपणै प्राणा बै बच़ाणा च़ाहा सा ता तेई सौ गँवाणा होर ज़ुण आपणी ज़ानी बै गँवाणा च़ाहा सा ता तेई सौ बच़ाणी।

एक रोज़ यीशुऐ आपणै च़ेले बै बोलू, “होई नी सकदा कि ठोकर नैंई लोड़ी लागी, पर हाय सा तेई मांहणु पैंधै ज़ुणी बजहा मुश्किला एज़ा सी! अगर कोई न तुसै पाप करवा सी, ज़ुण मूँ पैंधै बशाह केरा सी ता परमेश्वरा तुसाबै सख्त सज़ा देणी, भलै सौ मांहणु होछ़ै शोहरू सांही होला, तेइरी तैंईंयैं ऐ भला सा कि एक बड़ा पौट तेई रै गौल़ा न बोनिआ, सौ समुन्द्र न शेटू लोड़ी।

“मांहणु रै बेटै रा ध्याड़ा भी ऐण्ढा होंणा, ज़ैण्ढा कि आसरै बुज़ुर्ग नूहै रै ध्याड़ै न हुआ ती। ज़ुणी ध्याड़ै तैंईंयैं नूह आपणै ज़हाजा न नी बेठा, तेई ध्याड़ै तैंईंयैं लोका खा-पीया ती, होर तिन्हां न ब्याह-शादी होआ ती। तैबै सारी धौरती न पाणी भौरूआ होर सैभै लोका खत्म हुऐ।”