Versets bibliques populaires de लूका 14

Partager

“ज़ुण आमा-बापू बै मूँ न ज़ादा झ़ुरी डाह सा होर ज़ुण आपणै बेटै बेटी बै मूँ न ज़ादा झ़ुरी रखा सी, ते मांहणु मेरै च़ेले नी होई सकदै।

अगर कोई मेरा च़ेला बणना चाहा सा ता सौ आपणा सैभ किछ़ छ़ौड़ला होर आपणै दु:ख सौहणै री तैंईंयैं त्यार रौहला।

किबैकि ज़ो कोई आपु बै बैड़ा बुझ़ा सा तेई होछ़ै गिणिना होर ज़ो आपु बै होछ़ा बुझ़ा सा तेई बैड़ै गिणिना।”

ज़ैबै तैंईंयैं तुसै आपणा सैभ किछ़ नी छ़ौड़लै तैबै तैंईंयैं तुसै मेरै च़ेले नी बणी सकदै।

“तुसा मौंझ़ै ऐण्ढा मांहणु कुण सा ज़ो कि घौर बनाणै न पैहलै तेई घौरा रा खर्च़ा नी ज़ोड़ला कि हांऊँ ऐथा बै पूरा केरी सका सा कि नी? कोइँछ़ै ऐण्ढा नी हुआ लोड़ी कि, तेइरै सारै ढैबुऐ मनियादी बै केल्ही खर्च़ होलै होर सैभै लोका तेइरा मज़ाक बणालै, कि ‘ऐ मांहणु घौर बणादा ता लगा ती पर नी बणाई सकू।’

पर ज़ैबै तू भोज रखला ता तू ऐण्ढै माण्हू बै शाधेई ज़ो गरीब, टुण्डै, लँगड़ै होर कांणै होलै। तैबै तौ धन्य होंणा, किबैकि तिन्हां हागै तौभै बदला देंणै री तैंईंयैं किछ़ नी होंणा, तैबै धर्मी मांहणु रै ज़िन्दा होंणै सैंघै परमेश्वरा तौभै ऐसा गैला रा ईनाम देणा।”

“स्वादै री तैंईंयैं ता लूण शोभला सा, अगर तेई लुणा रा स्वाद बिगड़ला, ता सौ किज़ी च़ीज़ै लूणा केरिना। सौ लूण माटै न खादी री तैंईंयैं भी कोम नी ऐन्दा होर लोका तेइबै बाहरै शेटा सी। ज़ो मेरी गैला शुणा सी तेथा बै ध्याना सैंघै शुणित्।”