Versets bibliques populaires de लूका 10

Partager

शुणा, मैं तुसाबै शैतानै री सारी शक्ति पैंधै हक धिना सा; कि तुसा बिच्च़ु होर कीड़ै आपणी ज़ोंघै लाइया दबाणै होर दुश्मना री सारी शक्ति पैंधै हक धिना सा; कौसी च़ीज़ै लाइया तुसरा किछ़ नुकसान नी होंणा।

प्रभु यीशुऐ मार्था बै बोलू, “मार्था, ओ मार्था; तू बोहू सारी गैलै री तैंईंयैं फिक्रिया सा होर परेशान होआ सा। पर एक गैल सच़ सा मरियमै ता सौ शोभला भाग चुनू सा तेतै री तैंईंयैं तेसा बै ज़ो आर्शीवाद मिलणा तेइबै कोई बी ऐसा न नी छिनी सकदा।”

तेइयै ज़वाब धिना, “पवित्र शास्त्रा न ऐ लिखू सा तुसै आपणै प्रभु परमेश्वरा बै पूरै मना सैंघै, आपणै सारै प्राण, आपणी सारी शक्ति होर आपणी सारी बुद्धि सैंघै झ़ुरी केरा होर आपणै पड़ेशी बै आपु सांही झ़ुरी केरा।”

यीशुऐ तिन्हां बै बोलू, “पौकी दी फसल ता बोहू सा पर काटणू आल़ै मज़दूर थोड़ै सी, ऐबै छेतै रै मालका हागै अर्ज़ा केरा कि सौ आपणी फसल काटणै री तैंईंयैं मज़दूर भेज़ला।”

“तैबै यीशुऐ पुछ़ू, तुसरी समझ़ै रै मुताबक डाकुऐ मारूदै मांहणु सैंघै तिन्हां त्राई न कुणिऐ शोभलै पड़ेशी रा फर्ज़ निभाऊ?” तेइयै बोलू, “ज़ुणियै तेई पैंधै दया केरी।” यीशुऐ तेई धर्म गुरू बै बोलू, “तुसै भी ज़ाइआ ऐण्ढाऐ केरा।”

ऐबै ज़ाआत् पर याद रखा, कि हांऊँ तुसाबै भेड़ियै रै बिच़ा न भेड़ा सांही भेज़ा सा।