Versets bibliques populaires de YOHANA 10

Partager

Shihuuvi shitsanga vutswa khuhuuva, khwiira nu khutivitsa. Inzi namala khwitsa khu vanyole vulamu, khandi vavunyole mu vunyishi.

“Ninzi mwayi mulahi. Mwayi mulahi akhutsilanga makondi keke.

Makondi kaanje kahulishitsanga mwoyo kwanje. Inzi nakamanya, nako kanondanga.

Kaheetsanga vulamu vwi mihika ni mihika; khandi shikanyala khukhutsa tawe. Mundu avulakhuho unyala khunuula makondi kenako.

Ninzi shilivwa; niiva mundu aliitsa khwinjila khuvirila mwinzi, mundu mwenoyo aliitsa khuhonyinywa. Aliitsa khwinjilamu, nu khurula ilwanyi manyole vwayilu.

Ninzi mwayi mulahi; namanya makondi kaanje, khandi makondi kaanje kamanya inzi -

Tata wanje wamba makondi kenako, ali nu vunyali khuvira voosi; mundu avulakhuho unyala khunuula Tata wanje makondi kenako. Inzi nende Tata wanje khuli shilala.”

khuli lwa Tata yamanya, ninzi namanya Tata; nakhutsa shichila makondi kaanje.

Mundu avulakhuho unyala khurulitsa mwinzi vulamu vwanje. Navutswa inzi mwene nayirulitsa khukhutsa shichila lienya lianje. Ndi nu vunyali vu khukhutsa; khali vunyali vu khuva mwoyo. Yaka nako ka Tata wanje yambolela khole.”

Khulwa yako, Yesu yavoola khandi, “Muvoolelanga kilikali ndi ninzi shilivwa shia makondi kavirilamu.

Mundu usamulitswi khwaya makondi shiali mwayi mwene makondi tawe. Lwa alolanga shihulukhu nishitsa, alekhanga inyuma makondi yilukha. Nalwo lwa shihulukhu shikwananga makondi; khandi kasalana.

Yesu yavoola, “Muvoolelanga kilikali ndi mundu winjilanga mushiko shia makondi nakhavirili mu shilivwa, navutswa khwinjilila havundu handi vuchila khuvirila mu shilivwa, ni shihuuvi khandi nu munuuli.