Versets bibliques populaires de KEJADIAN 39

Partager

Yusuf ino ikni Mesir ahun ino men weregma NINIKNI Allahn let turuken yabuk fano roho wiri feruk latfag.

Mun angge man angge aren tohon arimano Yusuf inggikmu imbibareg at inggarehen nungge-nungge hal ha fug angge we narukon fahet eneg wenggel haruk latfag. Yusuf ino ebe mondabi fano reg latfag.

Indi haruk lit ap winon hele waroho kilap enesuhon arimano haren kim isaruk lit nungge-nungge penjara fam werehon haltuk laruhun ulug hiyag itfag.

Yusuf ino senetfareg penjara ap ininggik hele waroho kilap eneptuk ambeg Mesir inap inikniyen tohon ino fam kila fisibag. Kila fisibagma NINIKNI Allahn Yusuf let turukmu penjara foroho ahun inowen Yusuf fahet indi haruk latfag.

Welatfareg Potifar uhe inowen Yusuf yet haruk lit indi wat taruk latfareg, ”An hat men nohulen ma,” ibag. Ibagma Yusufen nirim ulug ele uruk lit, ”Nisinga, nikni Potifar inowen mun angge man angge aren tohon o tu werehon haren foroho laruhun ulug hiyag nitisireg inggarehen nungge-nungge hal haruk eleg. Nikniyen mun ane man ane fahet hiyag isarukmu holtuk hag toho anden oho hiyag isarukmu holuk teg. Mun angge man angge obog toho an ninggikmu emberisi angge famen nisinga, hat nikni uhe welahen angge re hat fahet nikniyen hiyag nitisi fug. Hiyag nitisi fugmu nangginoho anden siyag ane haren ehenon turuk lit Allah indi siyahap timin?” ulug hiyag itfag.

O misihim sambil amingmingangge misig oho elegma Yusuf amu eneg nungge-nungge halmin ulug olma kibag. Kibareg turukmen Potifar uhe inowen Yusuf asum wan teg latfahon ebe men mangno roho senetfareg, ”An men nohulen ma!” ibagma Yusuf inowen nirim ulug hiyap ino miyaloho hik isalug wilip atukmen asum hiyap ino inggikmu embeselug libag.