Versets bibliques populaires de KEJADIAN 37

Partager

Misihim sambil Yusufen nei og hibag ane owesi hiyag isibagma iren at fahet inirim anggolo haruk latfag.

Yakub inowen umalikisi winon indi isanggoma reg lit Yusuf amu fahet eneg sabal umalik indag tarikik ulug indi anggen teg latfag. Indi anggen teg lit sum fanowon eke wan taruk laruhu ulug og itfag.

Yakub umalikisi winonen inindi wenggel haruk lit ninikniyen nonot Yusuf fahet eneg indi reg lit nit ambolmayap neneptuk ulug onoluk atfareg Yusuf fahet enelmahip toho turuk lit at fam enele fano roho uruk latfag fug.

Ari turukmu Yusuf inowen nei eke og hibareg owesi hiyag isaruk lit, ”Anden nei og harukmen mo men pikalem men suhal nanggoloben men arimanowen an nalukema ying atukmu yet hihi,” ulug hiyag isibag.

Ari turuk latfahon fahet Yusuf owesi arimanowen at fahet inirim toho wenggel harukmu ikniyen nei wibag ane ino indimu foroho latfag.

Yusufen owesi hiyag isibag ane tu, ”Nori, iminon tu holeg lamek! Anden nei og harukmen nit obog toho yabukmu wereg lit roti anggen palehon pug toho emberukmen anden pug toho imbihiyon pikit in atukmu hiren pug toho embehebon arimano walinggoho unduhuk lit anden tohon olohotma kunuk toho ying atuk lahasa,” ulug hiyag isibag.

pinggi waroho ik fahet habulig ambeg hik usul. Ari tulteg wam eliyen ware feserisi uruk lamuhuk. Ari roho ware fusulmu aren nei waruk latisi ane nangginoho tuhu ulug yet hahuk,” uruk latfag.

Midian inap fano-fano angge ayeg waroho hilil noruk inap it pisan isalug libagma Yusuf ino owesiyen ik fahet habulig ambeg inowen lisoho laha fibareg Ismael inap og isibagma iren ayeg waroho uang 20 perak og isibag. Og isibareg Yusuf ino o Mesir walug libag.

it-it enele sahaltuk lit, ”Nei fulu roho waruk ahun ino waharuken

Yusuf ino yatma waharukmu owesiyen yet hibareg at nenembeg waharuk halug ware fusul pibareg

At amep wambuhu rohon niren at ubam nungge-nungge tuk fug angge anggenma ik fahet habulig ambeg lindi pila fusul,” ibag. Ibag ane ari Yusuf ino ware fusuhup tohon windatminteg hikni ambeg lamihin imin ulug wenggel hibareg ibag.