Versets bibliques populaires de KEJADIAN 25

Partager

Kapal hibagma NINIKNI Allahn hiyag utuk lit, ”Ap ununggul unuk piren unumbasi welamuhubon hat hahummu wereg. It-it hili roho welamuhubon indag enebuhun. Ap ununggul unuk piren itano misihen eke apmayap turuk laruhu. Owe ino ot amingmingangge aruhu,” ulug hiyag itfag.

Watfareg Yakub fam, ”Nare, suburu obok anggolowen hulu angge ari og nimin!” ulug heng tibag. Hulu angge ibag ane ari fahet unuk eke Edom suwalfag.

Ribka ino malik indag ta fug angge welatfagma Ishak inowen sembahyang urukmu NINIKNI Allahn holfagma Ribka ino malik ahummu atfag.

Hiyag itfagma Esau inowen, ”Suburu oboken war am hag ane naptuken nungge fahet an mondabi wandabon welaruhuk imin?” ibag. Ibagma Yakub inowen, ”Hat wandabon hag toho welaruhun ulug Allah unuk fam tik-tem toho imihin,” ulug hiyag itfagma we tik-tem toho ihi ibagma Yakub ino wandabon hag atfag.

Esau tam indag atukmu ot fobikon inowen Esau uyug anggul seneko indag atfag. Uyug anggul seneko indag atfag ane fahet unuk Yakub suwalfag. Ishak indag tibag sali mo ilig am wirig am turukmu teng piren 60 atfagma malik piren umalik itano indag tibag.

Ishaken pak unu narukon fahet ahiyeg toho wereg lit amloho Esau fahet indi reg latfagma Ribka inowen amloho Yakub fahet indi reg latfag.