Versets bibliques populaires de यूहन्ना 19

Partager

याग यीशु अद सिरका हुळदुन अदिक अंदुन, “पुरा आत.” अदिक ताल्ला ल्यालमा माळकु जीव बिट बुटुन.

इदुर बाद्दा यीशु ईद जान्सकु कि ईग सप्पा येनारा पुरा आगेग्याद, इदुरसाटी कि पवित्रशास्त्र दा जो अंदकु आगीत अद पुरा आगुल, अंदुन, “ना प्यासा आईन.”

याग यीशु तान मोय, अदिक आ चेला अक यार से आव प्यार ईटतोगोन हात्‍ती निदुरकु नोळदुन रा तान मोय से अंदुन, “हे आर्त, नोळ, ईव नीन पार हुन.” आग आव चेला से अंदुन, “ईक नीन मोय उर.” अदिक अदा समय टु आव चेला आकी तान मान्या ओतुन.

लेकीन यीशु उन हात्‍ती बंदकु नोळदुर कि आव सोतोग्यान, रा आऊन कालगोळी मुरदीदील. लेकीन सैनिकगोळ दा टु ऊंद सैनिक बरची देल आऊंद हतोरी दा छेद माळदुन, अदिक अदुर दा टु तुरन्त खुन अदिक नीर होळ्त.

ई मातगोळ इदुरसाटी आदव कि पवित्रशास्त्र दा जो अनकु आगीत अद पुरा आगुल, “आऊंद यातोदु येलु मुरूकु आगतीदील.” मात्‍त ऊंद अदिक शास्त्र दा ईद लिख्सकु आद, “यारी आंदुर छेद माळ्यार, अदुर मा आंदुर नजर हाक्यार.”

आग आंदुर यीशु उक ओतुर, अदिक आव तान क्रूस नेगुकु आ जागा ताका व्हार्या होदुन, जो “खोपळी इन जागा” अनकु आगतद अदिक इब्रानी भाषा दा “गुलगुता.”

सिपाहीगोळ मुळ्लगोळ मुकुट माळकु आऊन ताल्ला मा ईटदुर, अदिक जांभळा कलर इन कपळा हाकसुसदुर.