Versets bibliques populaires de Mwa 6

Partager

Kwoou Mwĩai Ngai nĩweelilile nĩkwĩthĩwa nĩwoombie mũndũ na amwia ĩũlũ wa nthĩ. Ũndũ ũsu nĩwatumie Mwĩai Ngai ew'a woo mũno

Mwĩai Ngai nĩwoonie ũndũ andũ ĩũlũ wa nthĩ meekaa mothũku maingĩvĩte, na ũndũ mosũanĩo moo maĩ mathũku kĩla ĩvinda.

Ĩndĩ Mwĩai Ngai nĩwendeeiw'e nĩ Noa.

Ũũ nĩ ũvoo ĩũlũ wa Noa: Noa aĩ mũndũ mũlũngalu, na nowe e weka katĩ wa andũ ma ĩvinda yake ũtaĩ aweteka ũthũku; nĩwekalaa e na kĩkĩo kya Ngai.

na asya atĩĩ, “Nĩngũvetanga andũ onthe ala noombie maume ĩũlũ wa nthĩ, andũ vamwe na nyamũ syonthe, tũsamũ tw'onthe tũla twĩ ĩũlũ wa nthĩ na nyũnyi, nũndũ nĩ na kyeva nĩkwĩthĩwa nĩnasyũmbie.”

Yĩla andũ maendeeie na kwongeleka ĩũlũ wa nthĩ, na masyaa eĩtu, ana ma Ngai nĩmoonie eĩtu asu me anake, na kwoou manyuva ala mendaa mamatwaa. Nĩvo ĩndĩ Mwĩai Ngai waisye atĩĩ, “Ndikaeka andũ mekale thayũ tene na tene nũndũ me mĩĩ ĩkusaa. Kuma ũmũnthĩ makekalaa thayũ myaka ĩana na mĩongo ĩlĩ.” Syana sya ana ma Ngai ala matwaĩte eĩtu ma andũ nĩsyatw'ĩkie andũ me nguma na ngũmbaũ. Syana isu syeetawa Nevilimu na syatũaa ĩũlũ wa nthĩ ĩvindanĩ yĩu o na ĩtina wayo.

Noa nĩweekie maũndũ onthe ala Ngai wamwĩaĩie.

Ngai nĩweeie Noa atĩĩ, “Nĩnĩtw'ĩte kũmina andũ onthe, na kwananga nthĩ. Ngamamina vyũ nũndũ nthĩ yusũĩte meko moo ma ũng'endu.

Kwoou ĩseũvĩsye ngalawa ya mbwaũ sya mũtĩ mũũmu; aany'a tũsũmba nthĩnĩ wayo, na ũimĩvaka lami ngalĩko ya nthĩnĩ na ya nza.

Ngai nĩwoonie ũndũ nthĩ yathũkĩte, nĩkwĩthĩwa andũ onthe ĩũlũ wa nthĩ maĩ na mwĩkalĩle mũthũku.

Likya ngalawanĩ ĩsu syũmbe sya kĩla mũthemba ilĩ ilĩ, nũme na nga nĩ kana iikakw'e.