Versets bibliques populaires de मत्याल 1

Partager

अदु पेकान पुटिह कीयग़ा, ओना पेदिरि येसु (इतेके देवुळि पिसिह कीस्ता) इनजोर तासा. बाराह्‌क इतेके ओग़े तना लोकुरिन, ओरा पापमताहि पिसिह केवाल आयनोग़,” इन्जि देवतुल वेहता.

(इव सबे बाराह्‌कु इद्रम आताङ इतेके, वेल्‍लाङे वर्साना मुने, देवुळबाबाल तना कबुरतोना संगे इदिनलोप्पा वेहचि, ऊळाटु, कोय्तोह्‌क अनवदु लेया पिला नेलाङ हव्कग़ा, तान्क पेकाल पुटनोग़. अहे ओना पेदिरि “इमानुवेल” इन्जि तासनुर, इह वेहच मतोग़. “इमानुवेल” इतेके “मावा तोळ देवुळि”, इद्रम अर्तम आस्ता. देवुळि मुने वेहच मताङ इव गोटिङ इंजेके करल आताङ.)

तना जीवाते वेग़ इद्रम आलिह कीनेके ऊळाटु, देवुळबाबाना उंद देवतुलि कलाते वासि ओन वेहता, “ए योसेपि, दाविद राजाना पुळ्गतोनिन, मरियाना पोटाते बेद पेनेम मन्ह्‌ता, अदु मन्कना आयो, मति देवुळता पवित्र जीवातेनाहिये मन्ह्‌ता. अदिह्‌क निमा तान ततलाह पेग़्के-मुनेह आयमा.

देवुळ लोहतोग़ पिसिह केवाल येसु इद्रम पुटटोग़ इतेके, ओना तलोग़ मरियानु योसेपि ताल्ह्‌किसि पोल्‍लो करल कीस मतोग़. वेर इर्वुर जोळेम आयनामुनेन, अदु नेलाङ हव्कतद दिसता; इदु देवुळता पवित्र जीवाता लावता मेटेन आता. तान ताल्ह्‌कतोग़ कोय्तोग़ योसेपि, अदु नेलाङ हव्कता इन्जि ओग़ पुतोग़. ओग़ कर्तुळ मन्कल मताह्‌कु, तान लोकुरा मुनेह इजक तेंडनायो, इद्रम ओना विचर मता. अदिनेनाह्‌कु नना तान कुस्क्ने विळ्सिसीकन इन्जि, ओग़ विचर कीतोग़.