Versets bibliques populaires de LUCAS 19

Partager

Runa Aichayu tucushca ñucami, chingashca causajcunata mascashpa, quishpichingapaj shamurcani— nircami.

cashna ninajurca: —¡Jatun Diospaj shutipi shamujuj jatun mandajca, aligumari cangui ni tucushca cachun! ¡Jahua pachamandaca, casilla ali causaiguta caramuchun! ¡Jahua pachapi tiajuj Diosca, punchapambagumi cangui ni tucushca cachun!— ninajurcami.

Shina nijpimi Jesusca, cashna nirca: —Cunanmi, cai huasipi causajcuna quishpirina punlla chayamushca. Paipash, ñaupa taita Abrahambaj mirai purami.

Chai quiruman Jesús chayashpa vichai ricushpami, Zaqueo runagutaca ricushpa cashna nirca: —Zaqueo, ucha uriajumui. Cunanga, cambaj huasipi mingachigrihuai— nircami. Shina nijpi ucha uriajushpami, Zaqueo runaguca ninanda cushijushpa, Jesusta mingachigrirca.

Ashtahuangarin Zaqueo shuti runaguca shayarishpami, Apunchi Jesustaca cashna nirca: —Apunchi Jesús, cashnatami ruragripani. Ñuca imata charishcatapash chaupitami, imagutapash na charijcunaman caragripani. Maijandapash umashpa, culquita japijushcatapash, chuscucamambachami tigrachigrini— nircami.

Shina ninajujpimi, chai ashtaca gentecunapaj chaupipi rinajuj, huaquin fariseocunaca cashna nirca: —Yachachij, cambaj yachajujcunataca, upalla caichi niyari— ninajurca. Shina nijpimi Jesusca, cashna nirca: —Cangunataca cashnami nini: Cai gentecuna upallayajpica, rumicunarami caparinga— nircami.