Versets bibliques populaires de JUAN 6

Partager

Shina nijpimi Jesusca, paicunata cashna nijurca: —Ñucami, causaita causagrinata caraj tandagu cani. Maijambash ñucapajman shamushpaca, ima horallapash na yarjachingachu. Ñucata crishpaca, ima horallapash na yacunayachingachu.

Diospaj Espiritullami, causaita causagrinataca caramujun. Chaitaca, na gentecunapaj ushaihuanlla japinllu. Ñuca quiquingunaman villajuj shimicunaca, causaita caraj Espiritumi capan.

Ismushpa tucurinalla micunata japingapaca, na ruranachu canguichi. Ashtahuangarin causaita causagrinata caraj micunaguta japingapajmi munana canguichi. Chai micunagutaca, Runa Aichayu tucushca ñucallami, quiquingunaman carasha. Chaita carajuchunmi, Taita Diosca ñucata cachamuhuarca— nijurcami.

Ñucata cachamuj Taitami, quiquingunataca cashna causanajuchun munajun: Paipaj Churi ñucata ricushpa maijambash crishpaca, causaita causagrichunmi munan. Ñucata crijcunataca, tucuicunatami tucurimui punllapica causachisha— nijurcami.

Shina nijpimi Jesusca, cashna nirca: —Pai cachamushca ñucata crinajuchunmi munan. Chaimi, Taita Dios munashcata pactachina capan— nircami.

Ñucapaj Taita ñucaman carashca gentecunaca, tucuicunami ñucapajman shamunajunga. Ñucapajman shamujcunataca, na tigrachishpa canllaman cachashachu.

Shina nijpimi Simón nishca Pedroca, cashna nishpa tigrachirca: —Apunchi Jesús, ¿pipajmanda rishunyari? Quiquinllami, causaita causagrinata caraj shimigucunataca charingui.

Ñucami, jahua pachamanda shamushca causajuj tandagu cani. Chai tandata maijambash micushpaca, causaitami causagringa. Ñuca carana tandaguca, ñuca aichagumi capan. Ñucallatami, cai pachapi causajcuna causaita causagrichun carangapaj huañusha— nijurcami.

Ñucata cachamuj Taita ñucapajman pushamujpillami, pipash shamun. Paitaca, ñucami tucurimui punllapi causachisha.

Taita Dios caramushca tandagumi, cai pachapi causajcunaman causaita causagrinataca carangapaj, jahua pachamanda shamushca— nijurcami.

Ñucami, causaita causagrinata caraj tandagu cani.

Jesusca, chai tandacunata japishpa, Taita Diosta pagui nishpami, paipaj yachajujcunaman curca. Chai yachajujcunami, chaipi tianajujcunaman caranajurca. Shinallata pijitapashmi, mashnata munashcaguta micunajurca. Na munashpa tianajujta ricushpami, paipaj yachajujcunataca: —Ama yanga shitachun puchucunataca tandachipaichi— nishpa mandarca.

Picha kilometrota, na cashpaca sucta kilometrotashnami, paipaj yachajujcunaca ña rinajurca. Shina rinajushpami Jesusca, yacu jahuata purishpa, canoaman shamujujta ricunajurca. Paita ricushpaca, ninandami manllarinajurca. Paicuna manllarijpimi Jesusca: —Ñucami cani, na manllarinachu canguichi— nirca.