Versets bibliques populaires de JUAN 19

Partager

Chai vinagreta Jesús chupashpaca: —Ñami tucuita pactachircani— nircami. Shina nishpallami, umata urai huarcushpaca, paipaj espirituta Diosman mingashpa huañurca.

Chai jipami Jesusca, ña tucuita pactachishcata yacharca. Shina yachashpami, Dios escribichishca Shimipi nijuj pactachun: —Yacunayanmi— nirca.

Jesusca, paipaj mamatapash, pai juyashca yachajujtapash, chaipi shayajujtami ricurca. Shina ricushpami Jesusca, paipaj mamagutaca: —Ricui mama, caipimi cambaj churi— nirca. Chai jipami, paipaj juyashca yachajujtapash cashna nirca: —Ricui, caipimi quiquimbaj mama— nircami. Shina nishcamandapachami, chai yachajuj runaguca paipaj huasipi causajuchun, Jesuspaj mamagutaca pusharca.

Ashtahuangarin Jesuspajman chayashpaca, ña huañushcatami ricunajurca. Shina cajpimi, chaquitaca na faquinajurca. Shina na faquishpapash, shuj soldadoca Jesuspaj costillaspimi, lanzahuan tujsirca. Shina tujsijpimi yahuarpash, yacupash llujshirca.

Dios escribichishca Shimipimi: “Paipaj tullutaca, shujllatapash na faquishcachu canga” nijun. Chai nishcami pactarca. Dios escribichishca Shimipillata, shuj pushtupimi: “Paita tujsishca gentecunaca, cutinmi paitaca ricunajunga” nijun.

Jesusca, cruzta aparishpa llujshishpami, Uma Tullu shuti lomaman chayagrirca. Chai lomaca, hebreo rimaipica Gólgota shutimi can.

Chai jipaca soldadocunaca, cashata ahuashpa rurashca coronatami, Jesuspaj umapi churachirca. Shinallata morado, jahualla churajunatapashmi churachirca.