Versets bibliques populaires de JUAN 15

Partager

Ñucami, uvas yuragu cani. Quiquingunaca, ñucapaj malquicunami canguichi. Ñucahuan causajujpillami, ñucapash paihuan causajushalla. Shina causajujpimi, granota fucunshna causajunga. Quiquinguna ñucahuan na causashpaca, imata ruraitapash na ushashpami causanajunguichi.

Quiquingunaca, ñucahuanmi causajunalla canguichi. Shina causajpimi, ñucapash quiquingunapaj shungupi causajushalla. Uvas yuramanda malquita anchuchijpica, na chai malquipilla fucunllu. Quiquinguna na ñucahuan causanajushpaca, quiquingunapash chashnallatami canguichi.

Quiquinguna ñucahuan causashpa ñuca villachijushca shimicunatapash yariashpa causashpaca, imaguta cashpapash ñucapaj Taitata mañanguichilla. Paica carangallami.

Quiquingunataca ñucami agllarcani. Shina cajpimi quiquingunaca, ñucataca na agllahuarcanguichi. Aliguta fucuj yuragushna causangapaj rinajuchunmi, quiquingunataca agllarcani. Chai mirashcacunataca, causaita causagrichunmi munani. Chashna cajpica, quiquinguna ñucapaj shutipi ñucapaj Taitata imaguta mañajpipash, paica carangallami.

Maijambash pai juyashca cumbacunamanda huañushpaca, ninandapacha juyajtami ricuchijun.

Ñucapi malquishna causajcuna na fucujpica, paillatami cuchushpa shitanga. Aliguta fucujujtaca, ashtahuan fucuchunmi ima nali tiajujtapash anchuchinga.

Quiquingunataca, caitami mandani: Imashnami quiquingunata ñuca juyarcani, chashnallata caishujhuan chaishujhuan juyarishpa causanguichi ninimi.

Aliguta fucujunshna causajpimi, ñucapaj yachajujcunapacha cajtaca ricunga. Shina ricushpami, ñucapaj Taitaca punchapambagumi cangui ninajunga.

Ñucami, uvas yuragushnapacha cani. Ñucapaj Taitaca, uvas chagrata cuidaj runagushnami capan.

Ñucahuan na causajujtaca, na fucuj malquitashnami canllaman shitanga. Ña chaquijpica tandachishpa, ninapi shitajpimi rupajunga.

Cai shimicunataca, quiquinguna ñucahuan cushijunajuchunmi villachijuni. Chashna cashpami, quiquingunaca ninandapacha cushijushpa causanajunguichi.

Ñucapaj Taita imata mandashcata pactachijushpami, pai juyajpi causajuni. Quiquingunapash ñuca mandashca shimicunata pactachijushpaca, ñuca juyajujpimi causanajunguichi.

Quiquingunataca, caishujhuan chaishujhuan juyarishpa causanguichi nishpami mandani.

Cai pachapajtalla rurashpa causajcunashna quiquingunapash causajpica, paicunaca quiquingunata juyanmanmi. Ashtahuangarin quiquingunataca, cai pachapajtalla rurashpa causaj puramandami agllarcani. Na cai pachapajta rurashpa causajpimi, quiquingunatapash millanayachin.