Versets bibliques populaires de JUAN 13

Partager

Nara mandashca mushujtapachami, cashna nishpa quiquingunataca mandani: Caishujhuan, chaishujhuan ninanda juyarishpami causana canguichi. Ñuca imashnami quiquingunata ninanda juyani, chashnallatami quiquingunapash, caishujhuan chaishujhuan ninanda juyarishpa causana canguichi. Shina juyarishpa causanajujta ricushpami, ñucapaj yachajujcuna cajtaca tucuicuna rijsinajunga— nijurcami.

Quiquingunata Yachachij, quiquingunata Mandaj cashpapash, chaquitaca maillachinimi. Ñuca rurajujshnami quiquingunapash, shujmanda shujmanda chaquitaca maillachirina canguichi. Ñuca rurajujshna, quiquingunapash rurashpa causanajuchunmi chashnaca maillachini.

Chashna nijpimi Jesusca, cashna nishpa tigrachirca: —Imamanda ñuca cashna rurajujtapash, cunanga nara yachanguichu. Ashtahuangarin jipamanmi yachangui— nircami.

Napacha llullashpami, quiquingunataca cashna nijuni: Gañanga, paipaj amotaca na yalichu can. Shinallata mandajpi rij runapash, paita mandajtaca na yalichu can.

Cashna ñuca mandajujtaca, ñami yachanguichi. Chaita pactachishpa causajushpaca, ninandami cushijunguichi.

Jesusca, micushpa tiajuimanda jatarishpami, paipaj jahualla churajunaguta llujchirca. Shina llujchishpami, shuj chaquichina finduguta japishpa chumbilishcapi satirirca. Chai jipami, shuj bateapi yacuta churashpa, yachajujcunapaj chaquita maillachi callarirca. Shina maillachishpaca, pai chumbilishcapi satirishca finduhuanmi chaquichirca.