Versets bibliques populaires de Génesis 17

Partager

Che' bolomlujump'ejlix i jo'c'al (99) i ja'bilel Abram, lac Yum tsi' pʌsbe i bʌ Abram, tsi' su'be: —Joñon jiñi Dios Mach Bʌ Añic i P'isol i P'ʌtʌlel. Yom ma' wajñel tic tojlel yic'ot yom wen uts'at ma' wajñel.

Ma'añix mi caj a chʌn pejcʌntel ti Abram, wʌle mi caj a pejcʌntel ti Abraham, come woli c wa'chocoñet ti' tat bajc'ʌl wiñicob x'ixicob.

Mi caj c wa'chocon jump'ejl xuc'ul bʌ c t'añ a wic'ot yic'ot ti' tojlel a p'olbal ti' lajm ti' lajm ti' pejtelel ora; cha'añ mi cochel ti a Dios yic'ot ti' Dios pejtelel a p'olbal.

—Jiñʌch jiñi xuc'ul bʌ c t'añ a wic'ot: Mi caj a wochel ti' tat bajc'ʌl wiñicob x'ixicob.

Dios tsi' jac'ʌ: —Isujm Sara jiñi a wijñam mi caj i yʌq'ueñet juntiquil ch'itoñ bʌ a walobil, mi caj a wotsʌben i c'aba' ti Isaac. Mi caj c wa'chocon xuc'ul bʌ c t'añ yic'ot Isaac, yic'ot i p'olbal ti pejtelel ora.

Mi caj cʌq'ueñet yic'ot a p'olbal pejtelel i lumal Canaán ba' woliyet ti chumtʌl wʌle, mi caj la' cha'añin ti pejtelel ora, joñon mi caj cochel ti' Diosob.

Jiñi cha'añ Abraham tsi' ñuc choco i bʌ, tsa' caji ti tse'ñal, tsi' yʌlʌ ti' pusic'al: “¿Mejl to ba i tilel i yalobil juntiquil wiñic che' añix jo'c'al (100) i ja'bilel? ¿Ixcu Sara che' añix lujump'ejl i jo'c'al (90) i ja'bilel, mu' to ba i mejlel i cʌntan i yalobil?”

Dios tsi' su'be ja'el jiñi Abraham: —Jiñi Sarai a wijñam, ma'añix mi caj a pejcan ti Sarai, mi caj a pejcan ti Sara.

Mi caj la' ch'ʌm tsep pʌchʌlel, i yejtal xuc'ul bʌ c t'añ tsa' bʌ c wa'choco yic'otetla.

Pero joñon mi caj c wa'chocon xuc'ul bʌ c t'añ yic'ot Isaac mu' bʌ caj i yʌc' ti pañimil Sara che' bajche' ti ili ora ti yam bʌ ja'b.

Che' ti' waxʌcp'ejl q'uiñ i yilʌbe pañimil pejtelel ch'itoñ am bʌ ti la' tojlel, yom mi' tsepbentel i pʌchʌlel; che'ʌch yom mi' yujtel c'ʌlʌl ti pejtelel ora. Mi caj i tsepbentel i pʌchʌlel jiñi mu' bʌ i yilan pañimil ti a wotot yic'ot jiñi mʌmbilo' bʌ a cha'añ ti' tojlel yaño' bʌ mach bʌ a p'olbalic. Yom mi' tsepbentel i pʌchʌlel jiñi mu' bʌ i yilan pañimil ti a wotot yic'ot jiñi mu' bʌ a mʌn ti a taq'uiñ, cha'añ che' jiñi mi' tsictiyel ti la' bʌc'tal i yejtal xuc'ul bʌ c t'añ ti pejtelel ora.