Versets bibliques populaires de Lʉkas 24

Partager

No ó, me ótaare lé entɨh bɨn sa Sɔŋ wam a kɛʼ bɨn ɨ. Diʼe ga wâʼ é nkana yi, lé ebono dobo nye óntɨh bɨn nkul ɨ. Nkul waa óduho nye ye, é jobo kʉ.»

Nye aka be wâ. Nyi pàh! Toŋla ga mpʉ nye a lwib e bɨn é jɔʼ bɨn bé a be, bɨn dina é lal Galɨle e. Nye a lɛɛ ó

É jɔʼ yaa ó mih mɔɔ, mé a ka bɔa é sɔɔɔ, bé ntɔʼ dweʼe nye e. Jɨh tɨʼ bé a kʉ dweʼe nye, nye ntɔʼ dim be é mih. Bé ntɔʼ liʼ lé elɛɛla paʼra wɔɔ ó: «Yé abe no ó, mɨleme mina, myé be ó si kʉ bul soho lé ejoʼo mbi nye dɨ lwib e bɨna ɛ, le mbi sikʉlʉ nye dwe bɨna, duho é Kalara Zyɛm, é jɔʼ bɨna ga e boo nɔɔ be ga zi e zi ɨ?»

Nye ó: «Yé ó tila é Kalara Zyɛm ó, Lœma mulo mo Zyɛm, nye ejala le edihbe mokpaa, dwè, ze pàh é foo é l'elu elɛl. Yé a bɛa be tila nteme ó, bʉr, bé óto le elɛɛ Mbɨambɨa Lɔɔ é die le, lé eto le elɛɛ bʉr ó, bé gwɨma mobebe mɔɔ, le edwir mɨleme, Zyɛm pɛʼɛ be bɨbaa bɨ ebebe byɔɔ. Lɔb waa, wé ótunɔ ó, taare ɨ Yerʉsalɛm, to pyal é bɨkul bibyɛh.

É jɔʼ bé a pyal ɨ, bé ntɔʼ kœb ó, ekoʼ, lé a be ó si biŋlɔ, lé mu é l'empàh é nʉm foo! Bé ntɔʼ ni é foo tʉŋlʉ, deŋle. Sa gwar, bé a baakœb muu mo Da Yesʉs tɨ.