Versets bibliques populaires de Genesis 6

Partager

nagbasol hiya nga iya ginhimo hira ngan iginbutang hira dinhe han tuna. Dako gud an iya pagbasol

Han pakasabot han GINOO nga uraura na hin kamagraot an ngatanan nga mga tawo ha tuna, ngan dayuday mangil-ad an ira mga panhunahuna

Kundi hi Noe nakalipay han GINOO.

Amo ini an susumaton mahitungod kan Noe. May-ada hiya tulo nga mga anak nga kalalaken-an: hira Sem, Ham, ug Jafet. Matadong nga tawo hi Noe ha atubangan han Dyos ngan maupay gud nga tawo hadto nga panahon. Nag-ukoy hiya hin kinabuhi nga nakalipay han Dyos

sanglit nakasiring hiya, “Pagpupuohon ko ini nga mga tawo nga akon gintuha, pati an kamanampan, ngan an katamsihan, kay nagbabasol ako nga ginhimo ko hira.”

Hadto nga panahon nagdamo na an mga tawo ha bug-os nga kalibutan, ngan may-ada nira mga anak nga kababayen-an. Hinkit-an hin pira nga mga langitnon nga binuhat nga maghusay ini nga kababayen-an, sanglit pinangasawa nira an ira naruyagan. Niyan nagsiring an GINOO, “Diri ako matugot nga mabuhi hin kadayonan an mga tawo kay may-ada nira kamatayon. Tikang yana diri na hira mabubuhi kapin hin 120 ka tuig.” Hadto nga mga adlaw, ngan bisan ha orhe na, may-ada mga higante dinhe ha tuna, nga mga tulin hin kababayen-an nga sugad ha aton ngan hin mga langitnon nga mga binuhat. Amo hira an mga gamhanan ngan bantogan nga kalalaken-an hadto nga kadaan nga panahon.

Ginbuhat ni Noe an ngatanan nga iginsugo han Dyos.

Nagsiring an Dyos kan Noe, “Karuyag ko na gud pagpuo han ngatanan nga mga tawo. Pagpupuohon ko hira, kay puno na an kalibutan han ira magraot nga mga binuhatan.

Paghimo hin arka para ha imo ngahaw tikang hin pinili nga kahoy; himoi ini hin mga kwarto, ngan buliha ini hin alkitran ha sulod ngan ha gawas.

Kinmita an Dyos han kalibutan ngan hinsabotan niya nga maraot gud ini, kay diri na matadong an kinabuhi han ngatanan nga mga tawo.

Pagdara upod ha imo ngadto han arka hin lalaki ngan hin babayi han ngatanan nga magkalainlain nga mga mananap, ngan han ngatanan nga magkalainlain nga tamsi, basi diri hira mapuo.