Versets bibliques populaires de Lukə̀ 16

Partager

Ŋònə̀ nɨ mbə̀ʼə a pyabə̀ ɨ̀pwuumə̀ pɨ̀kɨ̂ nɨ ntɨŋmə̀ e ɨ̀tsùmə̀ mbə̀ʼə a kɨ mbyabə̀ ɨ̀pwuumə̀ pɨ̀noʼnə nɨ ntɨŋmə̀ e ɨ̀tsùmə̀. Ŋònə̀ nɨ à wa ngɨ̀rə̀ nkòbə̀ aŋunə ɨ̀pwuumə̀ pɨ̀kɨ̂ mbə̀ʼə a kɨ ngɨ̀rə̀ nkòbə̀ aŋunə ɨ̀pwuumə̀ pɨ̀noʼnə.

“Mbə̀ʼə ngàŋə̀ àfàʼà a laʼa nfàʼà e ambo pɨ̀masàa pɨpaa apə̀; ntiinə ǎ pàanə̀ yɨ̀tse, kòŋə̀ yɨ̀tse, kə̀ ǎ mə fàʼà ambo yɨ̀tse nɨ ntɨŋmə̀ e ɨ̀tsùmə̀ tyiʼə̀ làŋnə̀ e làŋnə̀nə ambo ghùtse. Mbə̀ʼə wə̀ laʼa fàʼà o ambo Nẅùə̀ ghobə nkabə̀ apə̀.”

Nɨ̀ tə ka kùʼnə̀ a wɨghə a nɨ twuʼtə̀ nkabə̀ nɨ pənə àtwuə̀ ɨ̀shyə̂ ɨ̀shìʼnə̀, nɨ̀ tyiʼə̀ nkùʼnə̀ a nɨ twuʼtə̀ ɨ̀pwuumə̀ nɨ̀pwuurə̀ lə ɨla? Nɨ̀ tə ka mə naŋə̀ a wɨghə ɨ̀pwuumə̀ ŋònə̀ nyaanə nɨ ntɨŋmə̀ ɨ̀wɨghə ɨ̀tsùmə̀, ŋònə̀ nɨ à pɨ ŋâ a wɨghə nɨ ɨ̀pwuumə̀ nɨ pənə ɨ̀pɨghə la pə ɨ̀wə̌?

“Abràhamə̀ a kẅùə̀ ambo ze lo ‘Pobə tə ka mə zuʼù a ghobə ànwùə̀ nɨ Mǔsî pobə ngàŋə ntwuumə̀ Nẅùə̀ lə̀ ŋwàʼnə̀nə la, yi mbə̀ʼə pobə kɨ mbyiimə̀ a ghobə ànwùə̀ nɨ mbə̀ʼə ŋwùə̀ a furə̀ àlaʼà pɨ̀kwuə̀ ntô nshwəŋə̀ ambo pobə apə̀.’”

“Ŋònə̀ mbyàŋnə̀ à tə nfuukə̀ a ngẅùə e a ndâ ze nchi ndzoʼò ghù nyàanə yi à ghɨ̀rə̀ la àfànə̀; ŋònə̀ mbyàŋnə̀ ẅùə̀ nɨ à zoʼnə mə̀ngyə̌ wa nɨ ndwuumə̀ e à fuukə̀nə la, à kɨ ngɨ̀rə̀ àfànə̀.”