Versets bibliques populaires de Jònə 1

Partager

La à lə̀ ŋâ ɨ̀tɨ̀ŋnə̀ ambo pànə̀ nɨ pɨ lə̀ kẅiirə̀nə e, nkɨ nnùŋə̀ mɨ̀ntɨŋmə̀ ɨ̀mobə aŋunə nɨ̀linə̀ ɨ̀tse lo pobə̌ pə ɨ̀poonə̀ pɨ Nẅùə̀.

A nɨ̀pìʼnə̀nə, Àshwəŋnə̀ a lə̀ pə ghu, Àshwəŋnə̀ ghu a pə pobə Nẅùə̀, Àshwəŋnə̀ ghu a kɨ mbə Nẅùə̀.

Nkàʼà wə̀ ɨ kɨrə̀ amwuə ndzùmə, la ndzùmə ɨ̀ lə̀ tsàarə̀ mə e a ye apə̀.

Àshwəŋnə̀ ghu a lə̀ tô mbə̀ŋə̀ ntyiʼə̀ ŋwùə̀ mɨsoŋə nchyə̂ a tɨ̀tɨ̀rə̀ pə̀ənə̀, ndẅenə̀ nɨ ɨ̀pòŋə̀ pobə nkǔŋə nkuŋə. Pəə lə̀ zəənə̀ a àghuʼtə̀ e, nɨ à lə̀ pənə àghuʼtə̀ nɨ à lə̀ kẅiirə̀nə ambo Tǎ tsaʼa ndàʼà moonə̀ e.

Nẅùə̀ à lə̀ làŋə̀ a ndzùmə̀ Àshwəŋnə̀ zèrə zə̀ ntsùŋə̀ àzwuumə̀ àtsùmə̀. Ka Nẅùə̀ à lə̀ tsùŋə̀ e àzwuumə̀ àtse tɨ zèrə. Nɨ̀chyə̂mbyə̂ à lə̀ furə̀ amwuə Àshwəŋnə̀ zə̀. Nɨ̀chyə̂mbyə̂ wə̀ à lə̀ lòo nkàʼà ntô ambo pànə̀ pɨ mɨsoŋə.

Njyə̂ ɨ̀ lə̀ laanə̀, Jònə a zəənə̀ a Yěsû a pə ntô paatə̀ e, a shwəŋə̀ lo, “Nɨ̀ zəənə̀ a mômbyə̂ ndzìrə̀ Nẅùə̀ wa nɨ à pìʼnə a tɨ̀pòŋə̀ pànə̀ pɨ àtwuə̀ ɨ̀shyə̂ ntsùmə̀ ngwaʼà la.

Àshwəŋnə̀ zə̀ a lə̀ pə amwuə àtwuə̀ ɨ̀shyə̂. Mbaa pə tsaʼnə Nẅùə̀ à lə̀ tsùŋə̀nə àtwuə̀ ɨ̀shyə̂ pobə àzwuumə̀ àtsùmə̀ ndàŋə̀ a ndzùmə̀ ze la ka pànə̀ pɨ àtwuə̀ ɨ̀shyə̂ lə̀ zhyə̂ a ghobə a ye. À lə̀ tô amwuə àze àlaʼà, la ka ɨ̀pe pə̀ənə̀ kẅiirə̀ a ghobə a ye.

Lə̌ ngotə nkàʼà nɨ ɨ wə̀ ntô kyàʼà a ŋwùə̀ ntsùmə̀ amwuə àtwuə̀ ɨ̀shyə̂ zə̀.

Nẅùə̀ à lə̀ làŋə̀ a ndzùmə̀ Mǔsî ŋŋâ pɨ̀mbòomə ambo pə̀ənə̀. La ɨ̀pòŋə̀ pobə nkǔŋə nkuŋə tyiʼə̀ ndàŋə̀ a ndzùmə̀ Yěsû Kristù ntô ambo pə̀ənə̀.