Versets bibliques populaires de Mateo 22

Partager

Jesús tsi' su'be: —“C'uxbin a Yum Dios ti pejtelel a pusic'al, ti pejtelel a ch'ujlel, yic'ot ti pejtelel a ña'tʌbal”. Jiñʌch jiñi ñaxan bʌ mandar, jiñi c'ax ñuc bʌ. Lajalʌch jiñi i cha'p'ejlel bʌ mandar: “C'uxbin a pi'ʌlob che' bajche' ma' bajñel c'uxbin a bʌ”.

Ti ili cha'p'ejl ñuc bʌ mandar ya' laj loq'uem pejtelel ts'ijbubil bʌ mandar yic'ot i su'bal x'alt'añob, —che'en Jesús.

Come ca'bʌl jiñi pʌybilo' bʌ, pero ts'ita' jach jiñi yajcʌbilo' bʌ.

Come che' ti' yorajlel mi' tejchelob ch'ojyel jiñi chʌmeño' bʌ, ma'añix ñujpuñijel, ma'añix majqui mi caj i c'ajtin i pi'ʌl, come lajalobix che' bajche' ángelob ti panchan.

Pʌsbeñonla jiñi taq'uiñ cha'añ tojoñel. Tsi' pʌsbeyob jump'ejl denario. Jiñi cha'añ Jesús tsi' c'ajtibeyob: —¿Majqui i yejtal yic'ot majqui i c'aba' ts'ijbubil ti' pam ili taq'uiñ? —Che'en. Tsi' jac'beyob: —I cha'añ César. Jesús tsi' su'beyob: —Jiñi cha'añ aq'uenla César chuqui i cha'añ bʌ César, aq'uenla Dios chuqui i cha'añ bʌ Dios, —che'en Jesús.