Versets bibliques populaires de Mateo 16

Partager

Jiñi cha'añ Jesús tsi' su'be jiñi xcʌnt'añob i cha'añ: —Mi añ majqui yom i tsajcañon, la' i len cʌy pejtelel chuqui yom i bajñel pusic'al, la' i ch'ʌm i cruz, la' i tsajcañon.

Che' ja'el mic su'beñet jatetʌch jiñi Pedro, ti' pam ili xajlel mi caj c wa'chocon xñopt'añob c cha'añ; i p'ʌtʌlel jiñi chʌmel mach mejlic i jisañob.

Jatet mi caj cʌq'ueñet i llavejlel i yumʌntel jiñi am bʌ ti panchan; pejtelel chuqui ma' cʌch wʌ' ti pañimil cʌchbil ja'el ya' ti panchan; pejtelel mu' bʌ a jit wʌ' ti pañimil, jitbil ja'el ya' ti panchan, —che'en Jesús.

Come majqui jach yom i bajñel cʌntan i cuxtʌlel mi caj i sʌt, pero jiñi mu' bʌ i yʌc' i cuxtʌlel cha'añ mi' tsajcañon mi caj i taj.

Come ¿chuqui mi' taj wiñic, mu' bʌ i lon taj pejtelel chuqui yom ti pañimil, pero mi tsa' sajti i ch'ujlel? ¿Chuqui i chobejtʌbal mi mejlel i yʌq'ueñ i ch'ujlel?

Jesús tsi' c'ajtibeyob: —Ixcu jatetla, ¿Majquiyon mi la' wʌl? —Che'en. Simón Pedro tsi' jac'ʌ: —Jatetʌch jiñi Cristo, jiñi yajcʌbil bʌ, i Yalobilet jiñi cuxul bʌ Dios, —che'en.

Jiñi cha'añ Jesús tsi' jac'ʌ: —Tijicña a pusic'al Simón, i yalobilet bʌ Jonás, come mach tilemic ti wiñicob año' bʌ i bʌc'tal yic'ot i ch'ich'el a ña'tʌbal, cojach jiñi c Tat am bʌ ti panchan tsi' pʌsbeyet.