Versets bibliques populaires de Luk 3

Partager

Tơ giơ̆ng abih bang mơnuih tŭ ƀatem laih, Yêsu ăt tŭ ƀatem mơ̆n. Hlăk Yêsu dŏ iâu laĭ, adai pŏk hĭ, laih anŭn Yang Bơngăt Hiam trŭn rai amăng rup hrup hăng čĭm bơrơgơ̆m găm ƀơi Ñu; laih anŭn hmâo asăp pơhiăp mơ̆ng adai laĭ: “Ih jing Ană Kâo khăp hơeng biă mă; amăng Ih Kâo hmâo tơlơi mơak biă mă.”

Hnŭn yơh, Yôhan laĭ glaĭ kơ abih bang gơñu: “Kâo ngă ƀatem kơ ƀing gih hăng ia, samơ̆ Pô mơyang hloh kơ kâo či rai, laih anŭn kâo ƀu lăp ôh kleh hrĕ klĭ juă Ñu. Ñu či ngă ƀatem kơ ƀing gih hăng Yang Bơngăt Hiam laih anŭn hăng apui.

Brơi ƀing gih mơboh năng lăp hăng tơlơi ƀing gih kơhmal tơlơi soh, laih anŭn anăm čơdơ̆ng laĭ ôh kơ ƀing gih pô: ‘Gơmơi hmâo Abraham jing ơi adon gơmơi,’ yua kơ kâo laĭ kơ ƀing gih, Ơi Adai dưi ngă brơi khul boh pơtâo anai jing hĭ ană tơčo Abraham.

Ră anai jong Ơi Adai hmâo dưm laih ƀơi akha kơyâo; abih bang kơyâo ƀu mơboh boh hiam ôh Ơi Adai či drom hĭ hăng glŏm amăng apui.”

Tui hăng tơlơi hmâo čih laih amăng hơdrôm hră pô laĭ lui hlâo Êsai: “Hmâo asăp mơnuih ur kraih amăng tơdrŏn har, Rơmet bĕ jơlan kơ Khua Yang, pơtơpă bĕ jơlan Ñu. Abih bang đŭng klŭng khŏm pơbă hĭ, Abih bang čư̆ hăng bol čư̆ khŏm ngă mơdơ̆ hĭ, Jơlan wĕ wŏ khŏm ngă tơpă glaĭ, Jơlan klŭng hŭp khŏm jing lŏn daŏ; Laih anŭn abih bang kơnŭng djuai mơnuih či ƀuh tơlơi pơklaih Ơi Adai.”