Versets bibliques populaires de Mutendeko 19

Partager

Kweni muwoli wa Loti mweneuyo wakaŵa pa masinda pakhe wakalaŵiska kumanyuma, ndipo wakazgoka chiduli cha mchere.

Kweni Loti wakaziurika. Ntheura ŵangelo ŵakaŵakora waka pa kawoko, iyo na muwoli wakhe na ŵana ŵakhe ŵanakazi ŵaŵiri, pakuti FUMU yikaŵa na lusungu na iyo. Ŵakamufumiska na kumuŵika kuwaro kwa msumba.

Para ŵakaŵafumiskira kuwaro kwa msumba, ŵakati, “Chimbirani kuti muponoske umoyo winu. Kulaŵiska kumanyuma chara nanga nkhwima palipose mu dambo. Chimbilirani ku mapiri mzire muparanyike.”

Sono para Chiuta wakaparanya misumba ya mu dambo, wakamukumbuka Abrahamu, ndipo wakamuthaska Loti ku pharaniko yeneiyo yikaparanya misumba yeneyira Loti wakakharangamo.