Versets bibliques populaires de Ioane 16

Partager

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

Ma ngkana E roko te Tamnei are Tabu i bukin te koaua, ao E na kairingkami nakon te koaua ni kabanea: b'a E na aki taekina are oin nanona, ma E na taekina are E ongo, ao E na tuangngkami baika na roko.

Kam tuai ni bubuti te b'ai teuana n arau ni karokoa ngkai: kam na bubuti, ao ane kam na anganaki, b'a e aonga ni koro raoi kim'areireimi.

Ma I tuangngkami te koaua: e manena riki i bukimi nakou; b'a ngkana I aki nako, ao E aki roko iroumi te Tia Buobuoki. Ma ngkana I nako, ao N na kanakomaia nakoimi. Ao ngkana E roko, ao E na kaotia nakon te aba b'a e bure ootana n aron te bure ao te raoiroi, ao e bure naba ootana n aron ana motiki-taeka te Atua.

Ao ai aromi naba: b'a kam nanokawaki ngkai, ma N na manga noringkami, ao ane a na kaonaki nanomi n te kim'areirei, ao akea temanna ae na anaa kim'areireimi mai roumi. “Ao n te bong arei, ao akea ami titiraki ae kam na manga titirakinai iai. Bon te koaua ni koaua ae I a tuangngkami b'a ngkana kam butiia te Tama te b'ai teuana n arau, ao E na anganingkami.

Bon te koaua ni koaua ae I a tuangngkami b'a ane kam na tang ma n tanginiwenei, ma ane e na kim'areirei te aba; ane kam na nanokawaki, ma ane e na oneaki nanokawakimi nakon te kim'areirei.