Versets bibliques populaires de Luka 14

Partager

«Kim Meniň ýanyma gelip, atasyny, enesini, aýalyny, bala-çagasyny, doganyny, uýasyny, hatda öz janyny hem ýigrenmese, Meniň şägirdim bolup bilmez.

Kim öz haçyny göterip, Meniň yzyma düşmese, Meniň şägirdim bolup bilmez.

Özüni ýokary tutýan adam peseldiler, pes tutýan bolsa beýgeldiler».

Şeýlelikde, siziň her biriňiz ähli zadyňyzdan el çekmeseňiz, Meniň şägirdim bolup bilmersiňiz.

Aýdaly, araňyzdan biri minara gurmak isleýär. Ol ilki oturyp, muny tamamlamaga pulunyň ýetip-ýetmejekdigini hasaplamazmy? Sebäbi minaranyň binýadyny tutup, soň işi tamamlap bilmese, muny görenleriň hemmesi oňa güler. Olar: „Bu adam muny gurmaga başlady, emma tamamlap bilmedi“ diýerler.

Meýlis guranyňda garyplary, maýyplary, agsaklary, körleri çagyr. Şonda sen ýalkanarsyň. Çünki olar saňa öwezini dolup bilmezler, munuň öwezi saňa dogry adamlaryň direlen wagty berler» diýdi.

Duz gowy zatdyr, emma ol öz tagamyny ýitirse, onda oňa nädip tagam berler? Ol ne topraga, ne-de döküne ýarar, ony zir-zibile zyňarlar. Eşitmäge gulagy bar adam eşitsin!»