Versets bibliques populaires de Matayo 19

Partager

Yesu kawaitukuya na pfinya, kawawia, “Ko wandu ikyo kyeiṙimika-pfo; kyaindi ko Ruwa shoose shekyeiṙimika.”

Kyasia wakyeri wawi-se-pfo, indi mmbiu umwi. Kyasia walya Ruwa awalunga, mndu alawaletsane.”

Kagaluo, kawawia, “Muichi kye ulya alewagumba mawookyionyi, nalegumba mndu msoṟo na mndu mka?” Kaengyeṟa igamba, “Kyipfa kya ikyo, mndu nechiṙa awuye na wamae, nawaṙane tapu na ioshana na mka okye; na iwo wawi wechiwa mmbiu umwi.

Kyaindi Yesu kagamba, “Lekyenyi wana watutu wache na koko; maa mulawashingyie; cha kyipfa wafananyi na iwo, Wumangyi wo ruwewu nyi wowo.”

Kyaindi wafoi wai wa kuwooka wechiwa wefurumia, na wai wefurumia wechiwa wa kuwooka.”

Na orio mndu aleṙa numba, ang'u mono-wamae o kyisoṟo ang'u o kyika, ang'u awuye, ang'u wamae, ang'u wana, ang'u maṙema, kyipfa kya rina lyako, nechiambilyia ka igana, na ioṟa moo o mlungana.

Yesu kammbia, “Kokunda iwa mndu aafutsie shoose yenda undekumba shoose uwoṙe, uenengye wakyiwa, na iyoe nochiwaṙa kyiseyesoe ruwewu, numa nnjo ungyioshe.”

Kammbia, “Ny'kyi kyitewe ungyiwesa mbonyi tsa wucha? Ai mcha nyi umwi. Kyaindi kokunda iiṙa na moonyi o mlungana, osha kyilya mawawaso gakundi.”

Lyingyi-se ngammbia, nyi kyaangu ngoseṟa ngamia iiṙa ṟochonyi lya sindanu, kuta mnjama iiṙa na Wumangyinyi wo Ruwa.”

Na inyi ngammbia nyoe, orio mndu echiṙa mka okye, sile nyi kyipfa kya wuṟui, kaalyika ungyi, naṟuguya. Na ulya aalyika ulya aṙio naṟuguya.”

Yesu kawia wanalosho wakye, “Ny'kyaloi, ngammbia kye kyechiwa kyilemeri mnjama iiṙa na Wumangyinyi wo ruwewu.