Versets bibliques populaires de San Mateo 9

Partager

Kemaj okinmijlij inomachtijkauan*: —Ika tlen melauak tikitaj ika sanoyej miyek tlatoktli yejuan yochikau, pero xmiyekej nemij tekitkej para kipixkaskej. Yejua ika tej, xtlajtlanilikan iTEKO on tlatoktli más ma kinuajtitlani on pixkakej para ma pixkakij.

Xuiyan niman kuajli xkajsikamatitij tlinon kijtosneki in Yektlajkuilojli ijkuak ijkin kijtoua: “Nejua nikneki teiknelilistli* en vez de nenkinuentlaliskej yolkej.” Ijkon kemaj nenkimatiskej ika nejua xoniuajlaj para nikinnotsas on yejuan yolmelajkej, yej para nikinnotsas on yejuan tlajtlakolejkej.

Ijkuak Jesús okintak on tojlamej, sanoyej okimiknelij*, pampa yejuamej najmanayaj niman xkipiyayaj yolchikaualistli. Yejuamej nemiyaj ken on borreguitos yejuan xkipiyaj intlajpixkau.

Jesús okak tlinon yejuamej okijtojkej, niman okinmijlij: —Para on yejuan xkualoj xnoneki sen tepajtijketl, pero para on yejuan kualoj kemaj.

Jesús panotiaya nochiuiyan ipan on kalpanmej niman kalpanmej pipitikej. Niman nochiuiyan temachtijtiaya ipan insinagogas* on hebreos* kampa kiteijlijtiaya on kuajli tlajtojli kenijki Dios tlamandaroua. Jesús kipajtijtiaya nochi kech kokolistli* niman kualolistli.