Versets bibliques populaires de Mata 5

Partager

Cha mhotha a tha daoine a' lasadh lampa agus ga cur fo shoitheach, ach air an lampair, agus tha i a' soillseachadh an taighe gu lèir. Mar sin, leigibh le ur solas deàlrachadh mu choinneamh dhaoine, airson 's gum faic iad ur deagh obraichean agus gun toir iad glòir dhar n‑Athair a tha ann an nèamh.

“Is sibhse solas an t‑saoghail. Chan eil e an comas baile a tha suidhichte air beinn fhalach.

Is beannaichte iadsan a tha fìorghlan nan cridhe, oir chì iad Dia.

Is beannaichte iadsan air a bheil acras is pathadh na fìreantachd, oir thèid an sàsachadh.

Ach tha mise ag ràdh ribh, Gràdhaichibh ur nàimhdean agus dèanaibh ùrnaigh air an son‑san a tha a' dèanamh geur‑leanmhainn oirbh

“Is beannaichte iadsan a tha bochd nan spiorad, oir is leotha rìoghachd nèimh.

Is beannaichte luchd‑dèanamh na sìthe, oir thèid clann Dhè a ghabhail orra.

Is beannaichte iadsan a tha fo bhròn, oir gheibh iad cofhurtachd.

Is beannaichte an fheadhainn a tha a' fulang geur‑leanmhainn air sgàth fìreantachd, oir is leothasan rìoghachd nèimh.

Is beannaichte iadsan a tha tròcaireach, oir gheibh iad tròcair.

“Is beannaichte a tha sibh nuair a chronaicheas daoine sibh, agus a nì iad geur‑leanmhainn oirbh, agus a chanas iad a h‑uile seòrsa uilc nur n‑aghaidh gu breugach air mo sgàth‑sa. Dèanaibh gàirdeachas agus bithibh toilichte, oir is mòr ur duais ann an nèamh, oir mar sin rinn iad geur‑leanmhainn air na fàidhean a bha romhaibh.

Is beannaichte iadsan a tha macanta, oir sealbhaichidh iad an talamh mar oighreachd.

“Is sibhse salann na talmhainn, ach ma tha an salann air a bhlas a chall, ciamar a thèid a dhèanamh saillte a‑rithist? Chan eil e feumail tuilleadh airson rud sam bith, ach airson a bhith air a thilgeil a‑mach agus air a shaltairt fo chasan dhaoine.

Mar sin bithibh‑se coileanta, mar a tha ur n‑Athair nèamhaidh coileanta.

Ach gum b' e ur cainnt ‘'S e’, ‘'S e’, ‘Chan e’, ‘Chan e’; rud sam bith a bharrachd air a seo, 's ann on olc a tha e.

“Chuala sibh gun deach a ràdh, ‘Sùil airson sùla, agus fiacail airson fiacla.’ Ach tha mise ag ràdh ribh, na seasaibh an aghaidh neach a tha olc. Ach ma bhuaileas neach sam bith thu air do ghruaidh dheas, tionndaidh an tèile thuige cuideachd.

Ma bhios do shùil dheas na h‑adhbhar peacaidh dhut, spìon a‑mach i agus tilg uat i. Oir is fheàrr dhut gun caill thu aon dhed bhuill na gum biodh do chorp gu lèir air a thilgeil a dh'Ifrinn. Agus ma bhios do làmh dheas na h‑adhbhar peacaidh dhut, geàrr dhìot i agus tilg uat i. Oir is fheàrr dhut gun caill thu aon dhed bhuill na gum biodh do chorp gu lèir air a thilgeil a dh'Ifrinn.