Versets bibliques populaires de Evangelium e Lukastar 14

Partager

Te khonik avel mange thaj ni ritol e dade ple, thaj daja, thaj e romnja, thaj e čhavoren, thaj e phralen, thaj e phenjen, ta vi o đivdipe plo, na ka šaj te ovel mlo sikamno.

Thaj ko na igarel o trušul plo thaj pala mande na đal, na ka šaj te ovel mlo sikljovno.

Kaj sako savo pes vazdel ka teljarel pe, a savo pes teljarel ka vazdel pe.

Geja, akana, sako tumendar savo ni mukel sa so isile, našti te ovel mlo sikljovno.

Kaj ko tumendar, kana mangel te vazdel e kula, na bešel najangle te kerel e trošipa, ka šaj li te điagorisarel? Te na ka ma, kana čhivel o temelji te naštil te điagorisarel, savore save dikhen ačhen te asan lese. Vakerindoj: Akava manuš lija te vazdel, te naštil te agorisarel.

Aj kana kere xape, akhar e čororen, e sakaten, e langaljen, e kororen; Thaj baxtardo ka ove so tuke on nanelen sosa te irinen; aj ka iril pes tuke katar o đivdisaripe e čačutnengo.

O lon si lačho, aj te vi o lon bihaćarel pe, sosa ka lonđarel pe? Naj lačho ni baš e phuvjake ni baš phubalimaske, aj čhoren le avrijal. Kas isi kana te šunel, nek šunel!