Versets bibliques populaires de MITHEW 7

Partager

“Nie ta lea chu nangeita pe ange; jong ta lea chu nangeita tuk pi ange; akha chu rei ta lea chu nangta innkal hongpi ange.

Rouram chu atu jongpa anie mee na chu pha ae; atu mo ajong mee na chu tukkae akha chu eenkal nok mee ta chu hongpi ae.

“Chuna sarukka atu jongpa nangei kar sunga karou thei weta tullu lu malmashi chu alung chunga inn sha lungwar spa ae.

Chuna sarukka nangei na mee ngei ta nangei kolla ae pi num hekta nangei na kom mani ta hata ae oh, rau ram chu nahina roukung hina akha chu rouma ril rouphu ngei na ril ae.

Chuti weta ring rang lam ha chu a chip lam ae hana lut malmashi chu tam no ae.

“Nangei na achip lam hana lutto, roulam chu, sarmei kum lut ranga chu inn harlan lokkae, hana thing mee tam meh.

Ejonga nang na hrano che hal nasanao ta napekjui ja ahra pek rang dang che ae chuna thangwam na pathieng na chu eja lella anie meeta ahra pe ang sha!

“Routreem no oh, natak chunga routreem no ranga. Rouram chu nangei na routreem ae thing hana nangei ta kom routreem ange. Akha chu nangei na vul thingna chang hona nangeita kom vullange.

“Chuti weta atu jongpa nangei kar sunga karou theiveta karil jui no malmashi chu waipin chunga inn sha lungmo spa ae.

Hana namit makka tulu la no weta na-u-nanao mitta alota an thinga che? Chuna alo ta na-u-nanao mitta tulu la tikkae ta rillang che, namit makka tulu ta la no the na am leija?

“Shingthei oh hrano rouphu rou maril ngei ha, mani ha na am na ah phao ange kelmo pun wurra, chuti weta asunga chu wontam rammui ae. Manita nadangpha ang chu mani ara hana, malmashi ngei na alingbom sunga angur lei no ae, anoleh alingbom sunga theichang ra meh?

Chuhekta ahra akunga ahra theira ra ae, chuti weta hrano akunga hrano theira ra ae.

Ahra akunga hra no theira ra no ae akha chu hrano akunga ahra theira ra no ae.

Ahra theira ra no akung lim ta chu tan weta sarmei ah denga hou ae.