Versets bibliques populaires de Gênesis 18

Partager

hanushũ haska Sarã shinaĩ Senhor Deusũ unãkĩ Abraão yuikĩ: —Haskai Sarã nuku ikũwãma usãmẽkaĩ: “Ẽ yushabubia ẽ bake bitã kaĩshanai?” ikirã? Earã, ẽ habia matũ mekenika Deuski. Earã, Senhor Deus kushipahairatũ hamapai sharabu ẽ atiruki. Txanima mia ashũtiruki. Ana bari betsatiã ana hushũ ẽ matu uĩyuaya ẽ kushipawẽ Sarã huni bake bitã hayashanikiki— aka

Abraão mestebuhaira inũ hawẽ aĩ Sara yushabuhaira ana himi ikamawẽ taea uke merã tari hiwe meranua dayakĩ hãtxaibu Sarã nĩkatã hawẽ huĩti merãs hawẽ shinanẽ usaĩ: —Ẽ bene mestebuhairaki. Earã, ẽ yushabuki. Haska dabe ana benimai txutanamekĩ nũ bake bitirumẽ?— ikaya

hanua Senhor Deusũ shinãkĩ: “Abraão enabu pa wakĩ ẽ hatu itxapa washanaii. Abraãowẽ taeshũ yura shukuabu dasibi ẽ hatu pepawashanaii. Haskawẽ taeshũ haska Sodoma inũ Gomorra anu ẽ aki kai ẽ Abraão hunetirumaki.

huni dabe besti Sodomakiri buaibũ Senhor Deusũ besuuri Abraão nishũ hatukiri nemakĩ yukakĩ: —Txakabubu inũ pepabu husia mĩ habiati hatu kupi keyushanai? 50 huni pepabu besti Sodoma anu hayatirubuki. Hati pepabu hayabiakẽ dasibi habuya mĩ hatube kupikĩ yama wai kai?

Senhor Deusũ yuikĩ: —Peki. Sodoma anu 50 huni pepabu hayakẽ habuwẽ taeshũ dasibi ẽ hatu tenã keyuama ishanaii— aka