Versets bibliques populaires de Zhan 16

Partager

Mɛ̀n dɔ́ nyɛ̀n ankà ndɔ lɔ fɛn, ô nyɛ́n cɔ́ anwɔwɔ nyɛ́n mɛhi b'ɔbɔ̀sɔ̀ lɔ mɛ̀n. Nyɛ lɛ kán ɛgbàn ɛnhibù wú. Tɛ́n edù kè yɩ́ nyɛ̀n! Mɛ́n kɔ̀n ká ɛnhibù!”

Ɛnvra léyi annanwɔrɛ Hɛ́n kɛ lɛ và nɔn, nɛ lɛ nyrɔn nyɛ̀n annanwɔrɛ lɔ fɛn mɛ̀n. Nɛ́n sɩ̀ dɔ́ ankà nɛ́n zri n'ɛkɔrɛ̀-levriemɛ̀n, tɛ́n nɛ lɛ dɔ́ ankà lɔ fɛn léyi nɛ̀n yá nɔn, kɩ nɛ lɛ dɔ́ nyɛ̀n eci léyi kɛ lɛ wɔ̀ɛn nɔn yi ankà.

Hàn kɩ cɔ́ zɛtɛ̀ lɔ nɔn, nyɛ vá sán eci zriɛmɛ́n m'ebɩ́mɛ̀n. Nyɛ́n sán kɩ nyɛ lɛ cɔ̀, kɩ ɔmu lɔ nyɛ́n pɔpüɛ̀-brà lɔ kɛ lɛ sá nmù.”

Ɔmu tɛ̀kɩ, mɛ̀n dɔ́ nyɛ̀n ankà annanwɔrɛ: zrɔ tán ɔmu le nyɛ kruhú mɛ̀n hɔ̀n, ɔmuhi, ke dú kɛ mɛ̀n sɩ̀ hɔ̀n hàn hô, ɔwrɔn léyi kɛ lɛ wá nyɛ̀n ɛkɔrɛ̀ nɔn, ke sɩ̀ vá nyɛ̀n ɛtɛsɛ̀n. Tɛ́n, ke dú kɛ mɛ hɔ̀n hô, me le yüre nyɛ̀n nɛ́n. Kɩ ɛnvra léyi nɛ lɛ và nɔn, nɛ lɛ hán tán ɛnhibù kè nyrì le, yɔ zɛ́n ɛgbàn-ankà wú, ɛnyrɔnnan-ankà wú mán Ɔwɔ mrɛ̀n-cì-ankà wú.

Ɔmu zri lɔ nyɛ́n dú obòto mɛ̀n nyɛ́n mán zɛtɛ̀ lɔ; tɛ́n me le vru mɛ̀n kán nyɛ̀n kɩ ny'ɛnbɔrɛ kɛ lɛ brá pɔpüɛ̀ kɩ ɔwrɔn zriɛmɛ́n ke sɩ̀ ẅɛn nyɛ́n pɔpüɛ̀-brà lɔ kɛ̀ sɔhɔ́ rɔ́.” “Ɛnbì léyi ɛnvra ndɔ lɔ kɛ lɛ cɔ̀ nɔn, nyɛ́n sɩ̀ yrɛ mɛ̀n ankà, ankà zriɛmɛ́n wúɛ. Mɛ dɔ́ nyɛ̀n annànwɔrɛ mɛ̀n le: Ɔwɔ Zi kɛ lɛ tán nyɛ̀n eci lɔ fɛn léyi nyɛ lɛ sán nɛ̀n m'ebɩ́mɛ̀n nɔn.

Mɛ dɔ́ nyɛ̀n annánwɔrɛ mɛ̀n le: nyɛ́n le wú eyú kɩ nye le di ejüe, tɛ́n ɛnhibù ke le dú pɔpƐɛ̀-brá mɛ̀n; tɛ́n ny'ejüedì lɔ kɛ lɛ srɔ pɔpüɛ̀.